අහමඩ් වකාස් ගොරායා පාකිස්තානයේ ඉස්ලාමාබාද් නගරයේ සමාජ ක්රියාකාරිකයෙකි. රජය ඔහුගේ කටයුතු පිළිබඳ එතරම් කැමැත්තකින් සිටියේ නැත.
ඒ අතර තුරේ ඔහු ඇතුළු එවැනිම ක්රියාකාරීන් පස්දෙනකු කිසියම් පිරිසක් පැහැරගෙන යනු ලැබ යළි නිදහස් කරනු ලැබුවේය. ඒ 2017 වර්ෂයේ දීය. එන පොට හොඳ නැති බව තේරුම්ගත් ගොරායා රටින් පැනගොස් නෙදර්ලන්තයේ අප්රසිද්ධියේ ජීවත් වූවේය. එහෙත් ඔහු පිටුපසින් මාරයා හඹා එන බව ඔහු නොදත්තේය.
මාරයාද පාකිස්තානුවෙකි. නම ගොහිර් ඛාන්ය. වයස අවුරුදු තිස්එකකි. ඔහු ජීවත් වූයේ එංගලන්තයේය. මෙතෙක් හඳුනා නොගත් පුද්ගලයකු හෝ පිරිසක් ඔහුට කොන්ත්රාත්තුවක් පිරිනමනු ලැබුවේය. ඒ අහමඩ් වකාස් ගොරායා නමැති සමාජ ක්රියාකාරිකයා ඝාතනය කිරීමටය. ගොහිර් ඛාන් භාරගත් කොන්ත්රාත්තුව අකුරටම ඉටු කළත් සිද්ධියෙන් දින දෙක තුනක් ඇතුළත ලන්ඩන් නුවර පොලිසියට කොටුවුණේය. පසුගිය ජනවාරි 29 දින අත්අඩංගුවට පත් හෙතෙම අහමඩ් වකාස් ගොරායා ඝාතනය කර ඇති බවත් එසේ කිරීමට කුමන්ත්රණය කිරීමේ චෝදනාවට වැරදිකරු බවටත් අධිකරණ තීන්දුවක්ද ලැබුවේය.
ඝාතන අරමුණින් හෙතෙම පසුගිය වර්ෂයේදී නෙදර්ලන්තයේ නොටර්ඩෑම් නගරයට පැමිණි බවත් ඝාතනයට අවශ්ය උපකරණ මිලටගත් බවත් හෙතෙම ප්රකාශ කළේ යැයි මාධ්ය කියයි.
මේ වන විට ඔහු දඬුවම් පමුණවන දිනය එනතුරු යකඩ කූරු ගනිමින් සිටියි.
