රාමුව ඉවත් කළ රැකියා නිදහස

මෙරට 1832ට පෙර තිබුණේ තරමක් පීඩාකාරී රාජකාරි සහ රැකියා වටපිටාවකි. ඒ වැඩවසම් ක්‍රමය හේතුවෙනි. ඒ ඒ කුලවලට බෙදූ ජනයාට පැවරුණු රාජකාරියක් රැකියාවක් එවකට පැවැති අතර මේ ක්‍රමයද තදින්ම විවේචනයට ලක්වූවක් වූයෙන් කෝල්බෲක් වාර්තාවට අනුව මෙම ක්‍රමය වෙනස් කළ යුතු බවට තීරණය විය. එහි ප්‍රතිඵලයක් වශයෙන් 1832 සිට රාජකාරි ක්‍රමය නැතිකර ලංකාවේ ඕනෑ කෙනකුට තමා කැමැති පරිදි ඕනෑම රාජකාරියක් කිරීමට තිබූ අවහිරය ඉවත් කරන ලදී. එයින් සෑම කුලයකම ජනයාට සම තත්ත්වයක් හිමිවිය. ඒත් සමඟම නීතියෙන් බලතල තිබූ කුල භේදය අහෝසි විය.