ශ්රී ලංකා ගමනාගමන මණ්ඩලයේ නගරාන්තර හා දුරගමන් සේවා සඳහා වායුසමනය කළ Deluxe මාදිලියේ නව බස් රථ 600ක් මිලදී ගැනීමට අමාත්ය මණ්ඩල අනුමැතිය හිමිව තිබේ.Sri Lanka Latest News
ශ්රී ලංකා ගමනාගමන මණ්ඩලයට ආසන 49ත් 54ත් අතර ප්රමාණයකින් යුත් Standard මාදිලියේ නව බස් රථ 600ක් මිලදී ගැනීම සඳහා 2026 වසරේ රජයේ ආයෝජන වැඩසටහන යටතේ රුපියල් මිලියන 14,400ක අයවැය ප්රතිපාදන වෙන් කර තිබුණි.
නමුත් 2025–2026 මාර්ග ආරක්ෂණ සැලැස්ම යටතේ මගී ප්රවාහන බස් රථ සඳහා නව ආරක්ෂිත පිරිවිතර හඳුන්වා දී තිබෙන අතර ඒ යටතේ නගරාන්තර හා දුරගමන් සේවා සඳහා Deluxe මාදිලියේ වායුසමනය කළ බස් රථ යොදාගත යුතු බවට තීරණය කර තිබේ.
ඒ අනුව දැනට වෙන් කර ඇති ප්රතිපාදන යටතේ Standard මාදිලියේ බස් රථ 600ක් වෙනුවට වඩාත් සුවපහසු Deluxe මාදිලියේ වායුසමනය කළ බස් රථ 600ක් මිලදී ගැනීමට අමාත්ය මණ්ඩලය අනුමැතිය ලබාදී තිබේ.
