විශ්වය සමඟ ගනුදෙනු කිරීමේ හැකියාවන් ගැන සොයා බැලීමේදී මෙරට ඉතිහාසයේ ජීවත් වූ හෙළයන් සතු අසීමිත බලය පිළිබඳව ඇති මතවාද හා ජනප්රවාද අමතක කළ නොහැකිය.
විවිධ යුගයන්ට සාපේක්ෂව ඉතා දීර්ඝ ඉතිහාසයකට මෙම කතාබහ පැතිර යන අතර, හෙළයේ විසූ විවිධ පාලකයන් සිය මානසික ශක්තිය වැඩිදියුණු කරමින් ඉතා සාර්ථකව විශ්වය සමඟ ගනුදෙනු කළ බවද ජනප්රවාදයේ සඳහන් වෙයි. එසේම රාවණ වැනි නරපතියන් සිය අසීමිත බලය යොදාගෙන දේශ දේශාන්තර තුළ සිය බලය විසිරුවා හැරි අයුරුද ජනප්රවාද අතර කදිමට සඳහන් වෙයි. සිය ගුප්ත හැකියාවන්ගෙන් සහ මානසික ශක්තියෙන් රාවණ රජු විශ්වයම පාලනය කළ බවද පැවසෙන අතර, මෙවැනි කාරණා සඳහා යොදා ගැනුණු විශේෂණ ස්ථානයන් ගැනද විවිධ කතාබස් ඇති වී තිබේ.
එවැනි කතාබහට ලක්වූ විශේෂ චක්රයක් පිළිබඳව පසුගිය කාලයේ වැඩි දෙනකුගේ අවධානය යොමුවිය.
සක්වල තරණයට පාර කැපූ තරු දොරටුව (Star Gate) – රන්මසු උයන
අනුරාධපුර ඉසුරුමුණිය අසල ඇති රන්මසු උයන නම් වූ මඟුල් උයන් පරිශ්රයේ ඇති මෙය විවිධ ජ්යාමිතික හැඩතල, සත්ව රූප ආදියෙන් සමන්විත වූ චක්රයක් ලෙසින් දුටු පමණින් හඳුනාගත හැකි වුවද, මේ චක්රය පිළිබඳව මෙතෙක් ස්ථිර වූ තීරණයකට එළඹ නොමැත.
මේ චක්රය
- අතීත ලෝක සිතියමක් ලෙස,
- රජ දරුවන් මඟුල් උයන පරිශ්රයේ සිදු කරන ලද තන්ත්ර, යාග හෝම පිළිබඳ සටහනක් ලෙස,
- මහායාන මන්ත්ර පඨනය හෝ භාවනා සඳහා උපයෝගී කරගත් සටහනක් ලෙස,
- සුවිශාල ඉංජිනේරු නිමැවුමක, වාරි කර්මාන්තයක සැලසුමක් ලෙස,
- මිනිස් මනසේ විශ්ලේෂණාත්මක සටහනක් ලෙස,
- අධි මානසික ශක්තියෙන් බාහිර විශ්වය සමඟ සන්නිවේදන කටයුතු කළ දොරටුවක් ලෙස,
- පිටසක්වල ජීවීන් හා සබඳතා පැවැත්වූ තරු දොරටුවක් (Star Gate) ලෙස,
ආදී වූ නිර්වචන කිහිපයකින් අර්ථ නිරූපණය කර ඇත.
සැබවින්ම මෙය කුමක්ද?
පුරාවිද්යා හා ඉතිහාසඥයින්ගේ කාල ගණනයන්ට අනුව අනුරාධපුර රන්මසු උයන ඉදිකර ඇත්තේ ක්රි.පූ. 8 වන සියවසේදීය.
නමුත් මෙම ස්ථානයේ සක්වල චක්රයට ඉහළින් ඇති ගල් තලාවේ සිදුකරන කරන ලද නිරීක්ෂණයක් තුළින් හිටපු පුරාවිද්යා අධ්යක්ෂ සෙනරත් දිසානායක මහතාට ‘පනති පනස’ ලෙසින් අක්ෂරයන්ගෙන් සමන්විත වූ ක්රි.පූ. 3 – ක්රි.පූ. 1 වන සියවසත් අතර කාලරාමුවකට අයත් සෙල්ලිපියක් සොයාගැනීමට හැකිව ඇත.
ඔහුගේ නිර්වචනයට අනුව,
පන – ප්රාණි
තිපනස – පනස් තුන (53)
ලෙසින් අරුත් ගැන්වෙයි.
මෙම චක්රයේ පිට රෝදයේ මත්සයන්, හක් බෙල්ලන්, කැස්බෑවන්, ඉබ්බන් , කකුලුවන්, මුහුදු අශ්වයා, මුහුදු සිංහයා, දිය කිඳුරියක් ආදී වූ ජලජ ජීවීන් 20 ක් ඒකදිශානතිව නිරූපණය කර ඇත.
අභ්යන්තරයේ සංකේත 33 කි.
ඒ අනුව ජීවීන්ගේ හා සංකේතයන්ගේ එකතුව 53 කට සමාන වේ.
එච්. සී. බෙල් මහතා විශ්ව චිත්රයක් ලෙසින් ද,
මෙම චක්රය හඳුන්වා ඇති අතර,
මෙහි ඉදිරිපසින් ආසන තුනක් සේ ගල් තලාවේ කොටා ඇති නිසා, භාවනා කිරීමට මෙම චක්රය උපයෝගි කරගත් බැව් පෙනේ.
මෙම සිතියමේ පිරමීඩයක සලකුණක් ඇති අතර මෙවැනි සිතියම් ලෝකෙන්ම හමුව ඇත්තේ ඊජිප්තුවේ හා පේරු රාජ්යයේ ස්ථාන දෙකකින් වේ. ඒ සෑම තරු සිතියම් හමුවූ තැනකින්ම වාගේ පිරමීඩ හමුව තිබේ.
මේ ආශ්රිතව සුවිසල් පිරමීඩයක් දැක ගැනීමට නොහැකි වුවත් කුඩා පිරමීඩයක සලකුණු අසල හමුවේ.
නූතනයේදී, වෙනත් චක්රාවාටයක ඇති සෞරග්රහ මණ්ඩලයක ඇති ග්රහලෝක කිහිපයක් කරා යා හැකි සිතියමක් ලෙසින්ද සලකන මෙය, පෘථිවියේ සිට පිටසක්වල යානාවක් ගමන් කළ යුතු මාර්ගය හා පිටසක්වල සිට නැවත පෘථිවිය කරා පැමිණීමේ මාර්ගය ලෙසින්ද මෙය නූතනයේදී අර්ථ දක්වා ඇත.
අනුරපුර ඉසුරුමුණිය අසල ඇති රන්මසු උයනෙහි පිහිටා ඇති මෙය අනාගතයේදී ලෝකයේම කතාබහට ලක්වනු නිසැකය.
