ආසියාවේ පළමුවැනි අශ්ව කෝච්චිය කොළඹින් මහනුවරට

රථ වාහන ගෙන යා හැකි මාර්ග පද්ධතියක් මෙරට ඇතිකිරීමෙන් පසුව ඊළඟට වැදගත්ම කාරණාව වූයේ ප්‍රවාහන පහසුව සඳහා සුදුසු ක්‍රමෝපායන් යෙදීමය. ඒ අනුව 1832දී කොළඹ සිට මහනුවර දක්වා අශ්ව කෝච්චි ධාවනය ආරම්භ කර ඇති අතර, ආසියාවේ අශ්ව කෝච්චි ධාවනය ආරම්භ කළ ප්‍රථම රට ලංකාව ලෙසින්ද ඉතිහාසයට එක්ව තිබේ. මේ අනුව මෙරට ප්‍රවාහනය සහ පණිවුඩ හුවමාරුවද ඉතා දියුණු තත්ත්වයකට පත්විය.