එල් -නිනෝ තත්ත්වය මේ වන විට දැඩිව වර්ධනය වී ඇති අතර එහි උච්චතම අවස්ථාව බලාපොරොත්තු වූ කාල සීමාවට වඩා පෙර පැමිණිය හැකි බවට සෞඛ්ය අංශ අනතුරු ඇඟවීම් නිකුත් කරනු ලබයි. Sri Lanka Latest News
එල් -නිනෝ තත්ත්වයෙන් ශ්රී ලංකාවට සිදුවිය හැකි බලපෑම සම්බන්ධයෙන් දැනුවත් කිරීමේ මාධ්ය සාකච්ඡාවකට එක් වෙමින් පරිසර ඇමති වෛද්ය දම්මික පටබැඳි මහතා මේ බව පැවසීය.
මෙහිදී මෙම එල් -නිනෝ තත්ත්වය නොවැම්බර් මාසය වනවිට එහි උච්චතම අවස්ථාවට පැමිණිය හැකි බව ද ඒ මහතා පැවසීය.
මේ අතර ජූලි, අගෝස්තු, සැප්තැබර් යන මාසයන් ඉතා දැඩි වියළි කාලගුණ තත්ත්වයක් ඇති කාලසීමාවක් විය හැකි බවද පරිසර අමාත්යවරයා සඳහන් කරයි.
තවද මේ වසරේ අවසාන මාස එනම් ඔත්තොබර්, නොවැම්බර්, දෙසැම්බර් මාස දැඩි වර්ෂාපතයක් ඇති විය හැකි බවද එතුමා පැවසීය.
මේ අතර මෙම එල් -නිනෝ තත්ත්වයට මුහුණදීම සඳහා රාජ්ය අංශ ආයතනික වශයෙන් දැඩි බලගැන්වීමක් සිදුකරනු ලබන බවද ඒ මහතා පැවසීය.
මෙම එල් -නිනෝ තත්ත්වය ශ්රී ලංකාවට පමණක් බලපානු ලබන තත්ත්වයක් නොවන බවද එය ගෝලීය තත්ත්වයක් බවද ඔහු පැවසීය.
එමනිසා මෙම තත්ත්වයට මුහුණදීම සඳහා ජනතාවගේ සහයෝගය මෙන්ම සහභාගීත්වය ද ඉතා වැදගත් බව පැවසූ පරිසර අමාත්යවරයා ඉදිරියේදී දැඩි නියගයක් ඇති වීමට ඉඩ ඇති බව ද සඳහන් කළේය.
මේ හේතුවෙන් බලශක්තිය මෙන්ම ජලයද අරපිරිමැස්මෙන් භාවිතා කළ යුතු බව පරිසර අමාත්ය වෛද්ය දම්මික පටබැඳි මහතා පැවසීය.
තවද, විශේෂයෙන්ම දැඩි උෂ්ණත්වය හා නියඟ තත්ත්වය හමුවේ ජනතාවගේ රැකියා අහිමිවීමේ තත්ත්වයක් ඇතිවිය හැකි බවද එතුමා පැවසීය.
