ජාතික ඩෙංගු මර්දන වැඩසටහනට සමගාමීව බත්තරමුල්ල පැලවත්ත ප්රදේශයේ සිදුකරන ලද විශේෂ පරිශ්ර පරීක්ෂාවකදී, එක් නිවසක තිබී ගිනි අවියක් සොයා ගැනීමට නිලධාරීන් සමත්ව තිබේ.Sri Lanka Latest News
බත්තරමුල්ල සෞඛ්ය වෛද්ය නිලධාරී කාර්යාලයේ මහජන සෞඛ්ය පරීක්ෂකවරුන් විසින් යුද හමුදාව, ගුවන් හමුදාව, ශ්රී ලංකා පොලීසිය සහ රතු කුරුස සංවිධානයේ සහයෝගය ඇතිව ඊයේ (22) මෙම මෙහෙයුම ක්රියාත්මක කර ඇත.
සුනඛයන් විශාල සංඛ්යාවක් ඇති කරනු ලබන ඉතා අපිරිසිදු තත්ත්වයේ පැවැති නිවසක් පරීක්ෂා කිරීමේදී, එහි තිබී සජීවී මදුරු කීටයන් මෙන්ම මෙම ගිනි අවිය ද සොයාගෙන ඇත.
පසුව පොලීසිය විසින් අදාළ ගිනි අවිය භාරයට ගෙන නිවෙස් හිමි කාන්තාව අත්අඩංගුවට ගෙන තිබේ.
සජීවී මදුරු කීටයන් සිටි තවත් නිවසක් පරීක්ෂා කිරීමේදී, එහි නිවෙස් හිමියා මහජන සෞඛ්ය පරීක්ෂකවරුන්ගේ රාජකාරියට බාධා කරමින් හැසිරීම හේතුවෙන් දෙපිරිස අතර උණුසුම් වචන හුවමාරුවක් ද සිදුව ඇත.
සජීවී මදුරු කීටයන් සහිතව පරිශ්ර පවත්වාගෙන යාමේ වරද යටතේ මෙහෙයුමේදී හසු වූ පුද්ගලයින් 13 දෙනෙකුට එරෙහිව කඩුවෙල මහෙස්ත්රාත් අධිකරණයේ නඩු පැවරීමට පියවර ගෙන තිබේ.
සෞඛ්ය නිලධාරීන් ජනතාවගෙන් ඉල්ලා සිටින්නේ ඩෙංගු මදුරුවන් බෝවන ස්ථාන වහාම විනාශ කර ඩෙංගු මර්දන නිලධාරීන්ට සහය දක්වන ලෙසය.
