ඇල්ල තමයි ලංකාවේ පොහොසත්ම කඳුකර ගම්මානය. දිව්ය ලෝකේ සඳලුතලය කිව්වත් ඒකට කිසි වරදක් නෑ. ලංකාවට එන විදේශිකයන් පිස්සු වට්ටන ඇල්ල නගරය තමයි අපි මේ සති අන්තය ගතකරන්න තෝරාගත්තේ. ආරුක්කු නවයේ පාලම, පුංචි සිරීපාදෙ සහ රාවණා ඇල්ලේ සිරි නරඹා යන දේශීය සංචාරකයන්ට ඇල්ලේ සුන්දරම ස්ථානය මඟහැරෙනවා. ඒ තමයි ඇල්ල රොක්. ටර්පන්ටයින් වනාන්තර මැදින් යන්න තියෙන මේ සුන්දර අත්දැකීමේ අවසානය වචනයෙන් විස්තර කරන්න අපහසුයි.
ඇල්ලෙ ලස්සන බලන්න නම් කෝච්චියෙන් ඇල්ලට එන්න ඕන. ඇල්ල රොක් බලන්න යනව නම් ඔබගේ ගමනාන්තය වෙන්නෙ කිතල් ඇල්ල දුම්රිය ස්ථානය. කොළඹ ඉඳලා පැය 10ක පමණ ගමනාන්තයකින් පසුව හමුවන ඇල්ල නගරයේ ඔබ ඇවිදින්න එනව නම් අඩුම තරමේ දවස් දෙකක්වත් නවතින්න ඕනෙ.
එක දිගට වැඩකරලා හති වැටිලා මානසික වගේම කායික සුවයක් විඳින්න කොහේ හරි ලස්සන පැත්තක සංචාරය කරන ඔබේ නවාතැන හරි නැත්නම් පරිසරය කෙතරම් සුන්දර වුණත් ඔබේ ගමනෙන් වැඩක් නැතිවෙනවා. ඒ නිසාම තමයි ඇල්ල රොක් එන ඔබට හොටෙල් ලෙවොන් ගැන කියන්න හිතුවෙ. ඇල්ල රොක් එකට ළඟම නවාතැන තමයි හොටෙල් ලෙවොන්.
කිතල් ඇල්ල දුම්රිය ස්ථානය ළඟම තියන නිසා නවාතැන හොයන්න ඔබට එහෙ මෙහෙ ඇවිදින්න ඕනෙ වෙන්නෙ නෑ. සුන්දර කඳු පන්ති පෙළකින් වටවෙලා තියන මේ නවාතැන ඉදිරියෙන් පුංචි ගංගාවක් ගලාබසිනවා. ඇල්ලේ තියෙන සුන්දරත්වය ගැන අමුතුවෙන් ඔබට පද ගළපන්න ඕනෙ වෙන්නේ නෑනෙ. කෙටියෙන් කියනව නම් ඇල්ලෙ සුපිරිම තැනක තමයි හොටෙල් ලෙවොන් ඉදිකරලා තියෙන්නේ.
අතේ තියෙන මුදලට හිතේ හැටියට කාලා බීලා ගෙදර වගේ වැටිලා ඉඳලා යන්න පුළුවන් නවාතැනේ කාමර ගැන නම් විශේෂයෙන්ම කියන්න ඕනෙ. දැව නිමාවෙන් යුතු මේ කාමරයට ඇතුළුවෙන ඔබට සියලු සැපසම්පත් ලැබුණා යැයි සිතෙන්නට පුළුවන්. ඉතාමත් සුවපහසු නිදි යහනට අමතරව තරු පන්තියේ හෝටලයක කාමරයක ඇති සියලු දේ මෙහි ඇති බව නිසැකවම කියන්න පුළුවන්.
මෙහි හිමිකරු වන්නේ රේෂාන් ෆූ චේන්ග් (Reshan fu cheng kao) ඉතා ළාබාල තරුණයෙක් යටතේ පාලනය වන නිසා මෙහි එන සංචාරයක් සතුටු කරන්න ඔහු අද කාලයට ගැළපෙන ක්රම යොදාගෙන ඇති බව අපට පෙනීගියා. ඉතා සුහදශීලීව මෙහි එන සංචාරයන්ව පිළිගන්නා චේන්ග් කෝ, චීන සම්භවයක් තියන බණ්ඩාරවෙල ප්රදේශයේ තරුණයෙක්. හොටෙල් මැනේජ්මන්ට් පාඨමාලාව තවමත් හදාරමින් සිටින ඔහුගේ මූලික අරමුණ වන්නේ අපේකම ලෝකයට හඳුන්වා දෙන සුන්දර නවාතැනක් බවට මේ ස්ථානය පත්කීරීමයි.
රූෆ් ටොප් අවන්හලකින් සමන්විත ලෙවොන් හෝටලයේ කෑම ගැන නම් ඉතින් අමුතුවෙන් කතාකරන්න ඕනේ නැහැ. ශ්රී ලංකීය කුළුබඩු රසට හැපෙන ලංකාවේ කෑම වේලක් ගමකට ගිහින් කනවට වඩා රසට මෙහි ආවොත් ඔබට රස විඳින්න පුළුවන්. ඉතා සුහදශීලී කාර්යමණ්ඩලයේ ආගන්තුක සත්කාර විඳින ගමන් කෑම මේසයේ සිටම උඩරට මැණිකෙලගෙ, පොඩි මැණිකෙලගෙ හැඩ බලන්නත් මෙහි ආවොත් ඔබට පුළුවන්.
ඇල්ල රොක් යනවා නම් මෙතැන ඉඳලා හරියටම කිලෝමීටර් 03යි. රේල් පාර දිගේ ඇල්ල නගරයේ සිට පාගමනින් එන නඩයකට කිතල් ඇල්ලෙන් එකතුවෙලා පාළුවක් නැතුව ඇල්ල රොක් බලල අමතක නොවෙන සති අන්තයක් ගතකරලා යන්න දවසක ඔබත් මෙහෙ එන්න.
Booking.com හරහා හෝ 0702224620, (77) 773 0096 අංකයට ඇමතුමක් දී හෝ ඔබගේ දිනය වෙන්කරවා ගන්න පුළුවන්.
නිශ්ශංක මුවර්