ඉන්දියානු සිනමාවට කවදාවත් නවක තරුවල අග හිඟයක් තිබුණේ නැහැ. බොලිවුඩ්වලට වගේම කොලිවුඩ්වලටත් ඒක එහෙමයි. මතකනේ පසුගියදාක රශ්මිකා මන්දනා ගැන සටහනක් තිබ්බා. මන්දනා ආවේ මලයාලම් සිනමාව හරහා අතිශයින්ම ඈ ජනප්රිය වුණේ කොලිවුඩ් සිනමාව තුළිනුයි. අන්න ඈ දැන් බොලිවුඩ්වල රජ කරනවා. Sri Lanka Latest News
ඒක එහෙම වෙනකොට අලුත් නිළි රැල්ල එක්ක ඔන්න තවත් නමක් ඉමේජ් වෙන්න අරගෙන. ඈ ‘මමිතා බයිජු’. ඇයත් ආවේ මලයාලම් සිනමාවෙන්. ඇය අතිදක්ෂ චරිතාංග නිළියක් වගේම බොක්ස් ඔෆිස් තරුවක්. කොලිවුඩ්වල දැවැන්ත නිෂ්පාදන සඳහා තලපති විජය, ධනුෂ් සහ සූර්යා සමග මමිතාව සම්බන්ධ කරගන්න ප්රකෝටිපති දමළ ෆිල්ම් ප්රඩියුසර්ලා 2024 අවුරුද්ද පුරා කුකුළු පොරයක් ඇතිකර ගත්තලු. කොහොම කොහොම හරි මමිතා ඒ හැමෝමත් එක්ක සීරුවට වාගේ දින බෙදාගෙන රූගත කිරීම්වලට ගියාලු. මමිතා හුඟක්ම සරල කෙල්ලක්. සිනමා කර්මාන්තයෙ වගේම සෙට් එකේ ටී බෝයි එක්ක පවා යන්තමට වයස අවුරුදු 23ක් පිරුණු මේ පුංචි කෙල්ල සුහදයිලු.
‘කෙටි කාලයක් තුළ ඔබ කොලිවුඩ්වල ලොකු රැල්ලක් හදලා. මොක්කද මමිතා ඒකට හේතුව? ඔබේ හැකියාවද? ලක් එකද…?’
මාධ්යවේදීන් චිත්රපට මුහුරතකදී මමිතාගෙන් අහනවා.
‘මම ඒ තරමට ජනප්රියයිද? ඇත්තටම හිතාගන්න බැහැ. මට ආදරය කරන හැමෝටම ස්තුතියි…’
මමිතා හරි ආකර්ෂණීය විදියට හිනාවෙලා එහෙම කිව්වා. ඒ මාධ්යවේදියා අහපු ප්රශ්නය අතිශයෝක්තියක් නෙවෙයි.
එහෙම කියන්නේ ඇයි?
එහෙම කියන්නේ වේල්ස් ෆිල්ම් ඉන්ටර්නැෂනල් සමාගමෙන් දැවැන්ත මුදලක් වැයකරමින් මීළඟට කරන්න සූදානම්ව ඉන්න නවතම චිත්රපටයේ ප්රධාන නිළි චරිතයට ගිවිසුම් ගහලා තියෙන්නේ මමිතා. ජනප්රිය තරු නළුවන් කිහිප දෙනකුම රඟන තවම නමක්වත් තියලා නැති මේ ෆිල්ම් එක වෙනුවෙන් මමිතා ඉල්ලලා තියෙන ගාන අහපුවාම කාගෙත් ඇස් නළලට ගියාලු. හැබැයි ඉතින් වේල්ස් ෆිල්ම ඉන්ටර්නැෂනල් සමාගම කිසිම ඇහිල්ලක් බැලිල්ලක් නැතුව ඒ ගාන ගෙවන්න ඇග්රි වුණාලු. මාධ්ය සාකච්ඡාවකදී ඔවුන් මෙහෙම කිව්වලු.
‘චිත්රපටයේ වීරයාගේ චරිතය තරමටම පෙම්වතියගේ චරිතයත් ප්රබලව තියන්න අපට ඕනෙ වුණා. නවක තරුවක් ගැන විමසිලිමත් වෙනකොට අපේ ඇහැ ගියේ මමිතා බයිජුට. මේ ලස්සන තරුණිය අපිව ඩිසපොයින්ට් නොකරන බව අපට 200%ක් විශ්වාසයි.’
ඒ කතාවට සතුටු කඳුළු අතරින් මමිතා හීනියට හිනාවුණේ අහිංසක ආඩම්බරයකින්.
මල්මි කෞෂල්යා
