මේ දවස්වල ෆේස්බුක් එකෙයි සෝෂල් මීඩියාවලයි මේ ලස්සන ෆොටෝ එක එකසිය ගානට වයිරල් වෙනවා. ඒ වයිරල් වෙන එකේ නැවතීමකුත් නැහැ. දකින දකින අය ෂෙයාර් කරනවා. ඒ ෂෙයාර් කරන අය අතර වැඩිහිටියෝ, මැදිවියේ අය වාගෙම අපේ තරුණ පරම්පරාවත් ඉන්නවා. (Sri Lanka Latest News)
එක අතකට ඒක තරමක පුදුමයක්. මොකද අද කාලේ ස්මාර්ට් ෆෝන් උණත් එක්ක ඉන්න යං කොල්ලෝ කෙල්ලෝ සාමාන්යයෙන් ෂෙයාර් කරන්නේ අලුත් තාලේ නළු නිළියන්ගේ ටික්ටොක් තාලේ සීන් විතරයිනේ. හැබැයි මේ සිත්කලු ඡායාරූපයට නම් එහෙම භේදයක් තිබුණෙ නැහැ. සරලව කියනවා නම් හැමෝම වාගේ ඉන්නේ පිස්සු වැටුණු ගානට. ඒකට වැටෙන කමෙන්ට්ස්, ඊට එහා. කියවලා ඉවර කරන්නත් බැරි තරමයි.
‘මේ වාගෙ ලස්සන මැචින් කපල් එකක් නම් ආයෙම සිංහල සිනමාවේ බිහිවෙන එකක් නැහැ…’
අර කියපු සිය ගණන් කමෙන්ට්ස්වල වැඩිපුරම තිබුණේ ඒ අදහසයි.
ඒක ඇත්තක්ද?
ඔව්. ඒක 100%ක් නෙවෙයි 200%ක්ම ඇත්ත. බලන්න විජයගෙයි මාලනීගෙයි ලස්සන. ‘නළුවෙක් වගේ නිළියක් වගේ’ කියලා වචනයේ පරිසමාප්ත අර්ථයෙන්ම කියන්න පුළුවන් සුන්දර රූපයක් මාලනීටත්, විජයටත් තියෙනවා. අනෙක දෙන්නා මාරම මැචින්. ඉන්න ආලිංගනය වුණත් කොයි තරම් සිත්කලුද? ඇස්වල තියෙන්නෙත් හිත් ගැස්සිලා යන ප්රේමණීය ආකර්ෂණයක්. දෙන්නම අත් පටලවගෙන ඉන්නේ ෆොටෝග්රැෆර් කියපු හින්දා නම් නෙවෙයි වාගේ. සමහර විට මාලනීයි විජයයි කොහේ හරි ඈතක බලාන ඉන්නකොට මේ ෆොටෝ එක හොරෙන් ගත්තා වෙන්නත් බැරි නැහැ කියලා හිතෙන තරමටයි දෙන්නගේ දෙඅත් ඒ විදියට එකට පැටලිලා තියෙන්නේ.
මේ එක්දහස් නවසිය හැත්තෑ ගණන්වලද?
නැහැ. මේ එක්දහස් නවසිය අසූ ගණන්වල ප්රවීණ චිත්රපට අධ්යක්ෂ දයා විමලවීර එඩිට් කරපු දෙව්දුව ෆිල්ම් එකේ සෙට් එකේදී ෂූටිං අතරතුර ගත්ත එකක් අවුරුදු 3කට කලින් 1985දී එදා ගත්ත ඔරිජිනල් පින්තූරේ වෙනුවට මේ තියෙන්නේ කෘත්රිම බුද්ධිය යොදාගෙන එඩිට් කරපු එකක්, එහෙම එඩිට් කළාට ඒ පින්තූරෙයි මේ පින්තූරෙයි එක දශමයකවත් වෙනසක් නැහැ. කොහොමත් අතාරින්න බැරි මිල කරන්න අමාරු පින්තූරයක්. ඒ නිසයි ‘හාට්’ එකෙන්ම මේ සටහන තිබ්බේ.
දමයන්ති රේණුකා ප්රනාන්දු
