⬤ හැබැයි ඇදගෙන යන්නෙත් නැහැ…
⬤ ඉල්ලුමට සැපයුමයි අපි කරන්නෙ…
ජනප්රිය තලයේ ටෙලිනාට්ය නිර්මාණය කරමින් ප්රේක්ෂක ජනතාවට නැවුම් රසවින්දනයක් ගෙන ඒමට හැකි වුණු නිර්මාණ අධ්යක්ෂවේදියෙකු ලෙසට තිළිණ බොරලැස්ස හඳුන්වන්නට පුළුවන්. 2017 – 2018 ස්ලිම් සම්මාන එකපිටම ජනප්රියතම ටෙලිනාට්ය ලෙස ‘සිඳූ’ ටෙලිනාට්යයේ නිර්මාණවේදියා ලෙසට ඔහුට හිමිවුණා. වසර පහක පමණ කාලයක් පුරා ඔබ රසවිඳි ‘සිඳූ’ ටෙලිනාට්යයට හෙට දිනයේ අත්වන ඉරණම හිතාගත නොහැකිය. මොකද මේ වන විට එම ටෙලිනාට්යයේ ප්රධාන ළමා චරිතය ‘සිඳූ’ එම නාට්යයෙන් ඉවත්වී ඇත. ඒ වගේම දඟකාර කොලුගැටයා ‘චුට්ටේ’ද එම තීරණය ගෙන ඇත. ඉතින් ‘සිඳූ’ ළඟදි අවසන් වේවිද කියා ඔහු සමඟ කෙටි කතාබහකට අප යොමු වුණා.
🔴 අප කැමැතියි කෙළින්ම දැනගන්න ඔබගේ ‘සිඳූ’ ටෙලිනාට්යයට මොකද මේ වෙන්නේ?
කිසිම දෙයක් වෙලා නැහැ. තවම ‘සිඳූ’ ටෙලිනාට්යයට පෙරටත් වඩා ප්රේක්ෂක ප්රතිචාර ලැබෙමින් ටෙලිනාට්ය විකාශය වෙනවා. මොන බාධක, කම්කටොලු ආවත් අපේ ‘සිඳූ’ කණ්ඩායම අපට උපරිම සහාය ලබා දෙනවා. එයට මාගේ හදපිරි ස්තුතියි. ඒ සියලුම දෙනාගෙන් ලැබුණු දහදිය, කඳුළුවල ශක්තිය තමා අද කිරුළක් විදියට ‘සිඳූ’ තියෙන්නේ.
🔴 කල වේලාවන් වෙනස්වීම මෙයට බලපෑමක් ඇති වෙන්නට ඇති නේද?
දැන් ‘සිඳූ’ විකාශය වෙන්නේ හවස 6.30ට. එහෙම වුණා කියලා කිසිම බලපෑමක් ආවේ නැහැ. බලන ප්රේක්ෂක ප්රමාණය තවත් වැඩි වුණා.
🔴 ‘සිඳූ’ ටෙලිනාට්යයේ ප්රධාන චරිතය ඉවත් වීම මෙම නාට්යයේ අවසානයද?
සිඳූ, චුට්ටේ ‘සිඳූ’ ටෙලිනාට්යයෙන් ඉවත් වුණේ ඔවුන්ගේ අධ්යාපන කටයුතු තිබෙන නිසා. මොකද ඒ දරුවන් දැන් ලොකුයි. එහෙම වුණා කියලා ‘සිඳූ’ අවසානයක් වෙන්නේ නැහැ. තව කොටස් කිහිපයක් විකාශය වෙලා ‘සිඳූ’ අවසානයක් දකීවි.
🔴 ‘සිඳූ’ මෙයට කලින් නතර කළානම් හොඳයි කියලා හිතුණේ නැද්ද?
එහෙම වුණා නම් හොඳයි. ඒත් ‘සිඳූ’ට තිබුණු ඉල්ලුමත් එක්ක කොහොමද අපි ඒක කරන්නේ. ඊට පස්සේ දෝෂාරෝපණය නඟයි ප්රේක්ෂකයෝ. හොඳ නාට්ය අතරමග නතර කරනවා කියලා. ඉතින් මේ නිර්මාණයට තිබුණු ඉල්ලුමත් එක්ක අවුරුදු පහක් විතර කරගෙන ආවා. ඒත් ‘සිඳූ බලපු කෙනෙක් තවම ‘සිඳූ’ නැරැඹීම අත්හැරලා නැහැ.
🔴 මෙවැන දීර්ඝ ටෙලිනාට්යයක් නැවැත විකාශවෙයිද ඔබේ අතින්?
මලී, අත්තම්මා-1, අත්තම්මා-2, ‘සිඳූ’ ඇදගෙන යෑමට බලාපොරොත්තුවක් නැහැ. හැබැයි කාගෙවත් නෙත නොගැටුණු යෞවනත්වයෙන් පිරිපුන් ආදර කතාවක් මගේ අතින් නිර්මාණය වෙයි. මම හිතනවා එයත් ‘සිඳූ’ වගේ මගේ ආදරණීය ප්රේක්ෂක ජනතාව ආදරයෙන් වැලඳගනියි කියලා.
වසන්ත විතාරණගේ
