ප්රකෝටිපතියන්ගේ සැඟවුණු වත්කම් පිළිබඳව තොරතුරු අනාවරණය කෙරුණු පැන්ඩෝරා වාර්තාවේ නම සඳහන් වූ හිටපු නියෝජ්ය ඇමතිනී නිරූපමා රාජපක්ෂ මහත්මියගේ ස්වාමියාවන තිරුකුමාර් නඩේෂන් මහතා සම්බන්ධයෙන් පැවැත්වූ විමර්ශනවලට අදාළව අතුරු වාර්තාවක් ජනාධිපති ගෝඨාභය රාජපක්ෂ මහතාට ලබාදීමට අල්ලස් හෝ දූෂණ චෝදනා විමර්ශන කොමිෂන් සභාව තීරණය කර ඇත.
මේ සම්බන්ධයෙන් අදහස් දක්වන අල්ලස් හෝ දූෂණ චෝදනා විමර්ශන කොමිසම ස්වභාවය ලේකම් අප්සරා කල්දේරා මහත්මිය සඳහන් කළේ එම විමර්ශන කටයුතු තවදුරටත් සිදු කෙරෙමින් පවතින බවයි.
තිරුකුමාර නඩේසන් මහතාගේ බැංකු කටයුතු සහ රාජ්ය ආයතන මගින් ලබා ගත් ලියකියවිලි විමර්ශන කණ්ඩායම් අධ්යනය කරමින් සිටින බවද ඇය සඳහන් කළාය.
මේ අතර බන්ධනාගාරගතව සිටින රංජන් රාමනායක මහතාගෙන්ද පැන්ඩෝරා පත්රිකාවලින් අනාවරණය කෙරුණු තොරතුරු පිළිබඳව ප්රකාශයක් ලබා ගැනීමට අල්ලස් හෝ දූෂණ චෝදනා විමර්ශන කොමිසම තීරණය කර ඇත.
