ශ්රී ලංකා වෙළඳ නාවිකයන්ගේ සුභසාධනය සඳහාම කැපවූ “The PALACE” මැඳුර විවෘත කිරීමට හැකිවීම පිළිබඳව ශ්රී ලංකා නාවිකයින්ගේ ජාතික සංගමය (NUSS) ආඩම්බර වෙයි. මෙම ඓතිහාසික මොහොත ශ්රී ලංකා නාවික ක්ෂේත්රයේ ඉතා වැදගත් සන්ධිස්ථානයක් සනිටුහන් කරන අතර ශ්රී ලාංකීය නාවිකයින්ට සහ ඔවුන්ගේ පවුල්වල ආදරණීයන්ට අත්යවශ්ය සහයෝගයන් සහ සේවාවන් රැසක් “The Palace” මගින් සපයයි. Sri Lanka Latest News
“The Palace” ක්ෂේම භූමිය “ජාත්යන්තර ප්රවාහන සේවක සම්මේලනය” හෙවත් ITF සහ “ITF නාවිකයන්ගේ භාර අරමුදල” සමග NUSS හි සහයෝගී මුලපිරිමකි.
වෙළෙඳ නාවිකයන් සිය මුහුදු ගමන් ඇරඹීමට පෙර සහ මුහුදු ගමනක් අවසානයේ සියරටට පැමිණීමෙන් පසු සේවාවන් ලබා දෙන ආරක්ෂිත තෝතැන්නක් ලෙස “THE PALACE” නිර්මාණය කර ඇත. කොළඹ නගරය මධ්යයෙහි පහසුවෙන් ලඟා විය හැකි තැනක පිහිටුවා ඇති “THE PALACE” මගින් වෙළඳ නාවිකයන්ට සිය දීර්ඝ මුහුදු ගමනට පෙර ඉතා සහනදායී මිලකට නවාතැන් පහසුකම් සපයන අතර සුවපහසු හා සුහදශීලි පිළිගැනීමක් සහතික කරයි. තවද ශ්රී ලංකා වෙළඳ නාවිකයන් දීර්ඝ මුහුදු සංචාරයකින් පසු නැවත මෙරටට පැමිණීමේදීද ඔවුන්ගේ පවුල් සමඟ නැවත සම්බන්ධ වී ගොඩබිම ජීවිතයට ඒකාබද්ධ විය හැකි සහයෝගී පරිසරයකට මුල පිරීමටද මෙහි පහසුකම් සලසා ඇත.
ශ්රී ලංකා නාවිකයින්ගේ සුභසාධනය සඳහා අපගේ කැපවීම පෙන්නුම් කරන “The Palace” මැදුර විවෘත කිරීමට ලැබීම ගැන අපි ඉතා සතුටට පත් වෙනවා. මෙය දීර්ඝ කාලයක් අප තුල පැවැති අපේක්ෂාවක් මල්ඵල ගැන්වීම බවත් NUSS හි සභාපති සහ ප්රධාන විධායක නිලධාරී බෝවා අතු පැවසීය.
“The Palace” සුභසාධන මධ්යස්ථානය ශ්රී ලාංකික නාවිකයන්ට අත්යවශ්ය සම්පතක් ලෙස සිය සේවාවන් සපයනු ඇති අතර මහා සාගරයට සිය ජීවිතය කැප කරන ශ්රී ලාංකික වෙළෙඳ නාවිකයන්ට ප්රජාව පිළිබඳ හැඟීමක් සහ සහයෝගී පරිසරයක් ලබාදෙනු ඇත. එය ඔවුන්ට තම ගමන් ආරම්භ කිරීමට පෙර සිය ආදරණීයන් සමඟ එක් රැස්වීමට විවේක ගැනීමට සහ සතුටින් කාලය ගත කිරීමට හැකි නැවුම් අත්දැකීමක් වනු නොඅනුමානය.
Left 1.Mr.ranjan perera (general secretary of nuss),mr janitha kodithuwakku(deputy minister of port and aviation )ms.joni simpson (ILO country director srilanka and maldives)mrs.ketie higginbottom (head of ITF seafarers trust),Mr.stephen cotton (general secretary of ITF),Mr.palitha athukorale (chairman NUSS),mR.scott mcdine( ITF general secretary of asia pacific),Mr.BOa Athu (president /CEO of NUSS)
