LG – Abans නව සන්නාම තානාපතිවරයා වශයෙන් සුපිරි ක්රිකට් ක්රීඩක පැතුම් නිස්සංක පත් කර ගන්නා ලදී. 2025 දෙසැම්බර් 31 වනදා කොළඹ Courtyard by Marriot හි පැවති උත්සවයකදී මෙය නිල වශයෙන් ප්රකාශයට පත් විය.Sri Lanka Latest News
පසුගිය වසරේ පාරිභෝගිකයන් අතර වැඩිම ආදරය දිනාගත් ඉලෙක්ට්රොනික සහ ගෘහ විදුලි උපකරණ සන්නාමය වශයෙන් LMD සඟරාව විසින් LG සන්නාමය හඳුන්වන ලදී.
දශක ගණනාවක් පුරා LG ඉලෙක්ට්රොනික සහ ගෘහ විදුලි උපකරණ සඳහා නිල අලෙවි නියෝජිත සහකරු වශයෙන් Abans සමාගම විශ්වාසවන්තව කටයුතු කරනු ලබයි.
පැතුම් නිස්සංක ගත වූ වසර කිහිපය පුරාම ටෙස්ට්, එක්දින සහ T20 යන සියලු අංශ හරහා පිතිකරුවෙක් වශයෙන් සුපිරි දක්ෂතා දැක් වූ ජාත්යන්තර තලයේ ඉහළම පිළිගැනීමක් හිමිකර සිටින ශ්රී ලාංකික ක්රිකට් ක්රීඩකයා බවට මේ වන විට පත්ව සිටියි.
ජාත්යන්තර ක්රිකට් පිටිය තුළ කීර්තිමත් නාමයක් හිමි පැතුම් නිස්සංකගේ එක්වීමත් සමග Life’s Good යන LG සන්නාමයේ තේමාව කැපී පෙනෙන ලෙස ශ්රී ලංකාවේ වෙළඳපොළ තුළ ඉහළින්ම ස්ථාපිත වනු ඇත.
ක්රිකට් ක්රීඩකයෙකු වශයෙන් පැතුම් නිස්සංක කෙටි කලක් ඇතුළත විශිෂ්ට දක්ෂතා දක්වමින් රටේ ක්රිකට් ක්රීඩාවට ලබා දී ඇති දායකත්වය ව්යාපාර ලෝකයේ LG – Abans විසින් ලබා දී ඇති දායකත්වය සමග මනාව ගැලපෙමින් සංකලනය වී පවතියි.
දිවයින පුරා ආවරණය වන පරිදි ක්රියාත්මක 400 කට අධික ප්රදර්ශනාගාර ජාලය හරහා විශිෂ්ටතම LG නිෂ්පාදන සමීප කරමින් ශ්රී ලංකාවේ ජනජීවිතය ඉහළින්ම ඔසවා තැබීම උදෙසා Abans සමාගම කටයුතු කරනු ලබයි.
ප්රියන්ත හෙට්ටිගේ
