S-lon වෙතින් දීපව්‍යාප්ත රුක් රෝපණ වැඩසටහනක්

ශ්‍රී ලංකාවේ ජල කළමනාකරණ ක්ෂේත්‍රයේ ප්‍රමුඛයා වන S-lon ලංකා පෞද්ගලික සමාගම, එහි සහෝදර සමාගමක් වන News 1st සහ ශ්‍රී ලංකා බාලදක්ෂ සංගමය සමග එක්වී, දිවයිනේ දිස්ත්‍රික්ක 25ක් පුරා පැළ 25,000ක් සිටුවීම සඳහා ‘තුරු කැපකරු‘ නමින් විශේෂ ප්‍රජා සත්කාරක ව්‍යාපෘතියක් ආරම්භ කරන ලදී. 2021 මාර්තු 26 දින සිට මෙම වැඩසටහන ක්‍රියාත්මක වේ.

මෙලෙස සිටුවනු ලබන සෑම පැළයක් සඳහාම එහි ‘හිමිකරු‘ ලෙස එක් බාලදක්ෂයෙකු නම්කරනු ලබන අතර, පැළය රැකබලා ගැනීම සහ එහි වැඩීම සම්බන්ධ වාර්තා කිරීම ඔහුගේ හෝ ඇයගේ වගකීමකි. වැඩසටහන අධීක්ෂණය සඳහා තුරු කැපකරු ජංගම දූරකථන යෙදුමක් (App) හඳුන්වාදී ඇති අතර, සෑම පැළයක්ම ඒ හා සම්බන්ධ කිරීම සඳහා ඊට ආවේණික QR කේතයක් ලබා දී තිබේ. මෙම වැඩසටහනේ සමාරම්භක උළෙල පසුගියදා පන්නිපිටිය අග්‍රාමාත්‍ය විද්‍යාලයේදී පැවැත්විණි.