පීපල්ස් ලීසිං CA Sri Lanka වාර්ෂික වාර්තා සම්මාන උළෙලේදී ගෞරවනීය සම්මානයක් දිනාගනී…

ශ්‍රී ලංකාවේ බැංකු නොවන මූල්‍ය ආයතන ක්ෂේත්‍රයේ ප්‍රමුඛතම මූල්‍ය සමාගමක් වන පීපල්ස් ලීසිං ඇන්ඩ් ෆිනෑන්ස් සමාගම CA Sri Lanka වාර්ෂික වාර්තා සම්මාන උළෙලේදී (CA Sri Lanka Annual Reports Awards – 2020/21) තවත් ගෞරවනීය සම්මානයක් දිනාගැනීමට පසුගියදා සමත්විය.

එනම් පීපල්ස් ලීසිං සමාගම එම සම්මාන උළෙලෙහි 2020/21 වසර සඳහා Finance Companies and Leasing Companies (Total Assets above LKR 20 Billion) යන අංශය වෙනුවෙන් පිරිනමන රිදී සම්මානය දිනාගැනීමෙනි. ශ්‍රී ලංකාවේ ප්‍රමුඛතම ගණකාධිකරණ ආයතනය වන ශ්‍රී ලංකා වරලත් ගණකාධිකරණ ආයතනය විසින් සංවිධානය කළ CA Sri Lanka වාර්ෂික වාර්තා සම්මාන උළෙල විවිධාංගීකරණ ව්‍යාපාරික අංශ අතර පැවැත්වෙන ශ්‍රී ලංකාවේ වඩාත් පැරණි හා ගෞරවනීය ආයතනික සම්මාන උළෙලක් සේ පිළිගැනෙන්නකි. සමූහ ව්‍යාපාරවල සිට බහුජාතික සමාගම් දක්වා මෙන්ම කුඩා හා මධ්‍ය පරිමාන ව්‍යාපාරික ආයතන රැසක්ද මෙවර සම්මාන උළෙල සඳහා තරග කෙරුණි.

පීපල්ස් ලීසිං සමාගමේ වාර්ෂික වාර්තාව අඛණ්ඩව දේශීය මෙන්ම විදේශීය ඇගයීමට ලක්වීමෙන් මූල්‍ය වාර්තාකරණය සම්බන්ධයෙන් සමාගම පවත්වාගනු ලබන විනිවිදභාවය, විශ්වසනීයත්වය හා සමාජ සත්කාරක මෙහෙවර විදහාපාන්නකි.