මහජන බැංකුවේ 60 වන සංවත්සරය නිමිත්තෙන් ශ්‍රී දළදා මාලිගාවේ බෞද්ධ සුබසාධක ශිෂ්‍යත්ව අරමුදලට දායකත්වය

මහජන බැංකුවේ 60 වැනි සංවත්සරය නිමිත්තෙන් සංවිධාන කරන සමාජ සත්කාරක වැඩසටහන් මාලාවේ සුවිශේෂ පියවරක් ලෙස ශ්‍රී දළදා මාලිගාවේ බෞද්ධ සුබසාධක ශිෂ්‍යත්ව අරමුදල සඳහා මහජන බැංකුව සිය දායකත්වය පිරිනමයි. මේ සඳහා වන සංකේතාත්මක පරිත්‍යාගය පසුගියදා මහනුවර ශ්‍රී දළදා මාලිගාවේදී දියවඩන නිලමේ ප්‍රදීප් නිලංග දෑල මැතිතුමා වෙත මහජන බැංකුවේ ප්‍රධාන විධායක නිලධාරි/සාමාන්‍යාධිකාරි රංජිත් කොඩිතුවක්කු මහතා අතින් පිරිනමන ලදී.

මෙම වැඩපිළිවෙළ යටතේ අඩු ආදායම්ලාභි පවුල්වල සිසු සිසුවියන් 180කට අධික සංඛ්‍යාවක් සඳහා වසර 03ක කාලසීමාවක් වෙනුවෙන් රුපියල් මිලියන 10කට අධික වටිනාකමින් යුත් ශිෂ්‍යත්ව ප්‍රදානය කෙරේ. මහජන බැංකුවේ මහනුවර ප්‍රාදේශිකයේ කාර්ය මණ්ඩලය, එම සම්බන්ධිත හිතවතුන් සහ ඥාතීන් මේ සඳහා දායකත්වය ලබාදී ඇත. ශ්‍රී දළදා මාලිගාව මූලික කර ගනිමින් බෞද්ධ සුබසාධක අරමුදල 1996 වසරේදී ස්ථාපිත කරන ලද අතර, එහි ප්‍රධාන දායකත්වය මහජන බැංකුව විසින් දරයි.

මෙහිදී මහජන බැංකුවේ 60 වැනි සාංවත්සරික සැමරුම් විශේෂ ‘බැංකුවයි ඔබයි’ කලාපය මහජන බැංකුවේ ප්‍රධාන විධායක නිලධාරි/සාමාන්‍යාධිකාරිතුමා විසින් දියවඩන නිලමේතුමා වෙත පිළිගැන්වීමද සිදුවිය.