Nestlé-Hatch Idea Hackathon තරගයේ ජයග්‍රාහකයින් නිවේදනය කෙරෙයි

පළමු වරට සංවිධානය කරන ලද Nestlé-Hatch Idea Hackathon විවෘත තරගයේ ජයග්‍රාහකයින් පසුගියදා නිවේදනය කෙරුණි. ඒ අනුව දේශීය අමුද්‍රව්‍ය භාවිතා කරමින්, නිරෝගිමත් ආහාර නිෂ්පාදන සඳහා නවමු අදහස් ඉදිරිපත් කළ හොඳම කණ්ඩායම සහ හොඳම හරිත ක්‍රියාවලියක් ඉදිරිපත් කළ කණ්ඩායම තරගයේ ජයග්‍රාහකයින් ලෙස තෝරා පත්කර ගනු ලැබිණි. එහිදී නෙස්ලේ සමාගමේ ඇසුරුම්කරණ අපද්‍රව්‍ය කළමනාකරණය කිරීම සඳහා නවතම තිරසාර ක්‍රමවේදයක් හඳුන්වාදීමට දුලංජ ගමනායක, අශාන් කෝට්ටගොඩ සහ සචින්ති වීරසිංහ යන කණ්ඩායම සමත්විය. මේ අතර සමීහා ජබීර්, කේෂලා ජයවික්‍රම සහ ෂනිත මිරිහාන යන කණ්ඩායම, සම්පූර්ණයෙන්ම දේශීය අමුද්‍රව්‍ය භාවිත කරමින්, දේශීය පෝෂණ අවශ්‍යතාවන්ට සරිලන ලෙස නිෂ්පාදනය කළ, එමෙන්ම ග්‍රාමීය ගොවි ජනතාවට වාසි අත්කරදෙන, නව නිෂ්පාදනයක් /නිෂ්පාදන සංකල්පයක් එළිදැක්වීමට සමත්විය.