ශ්රී ලංකාවේ සංචාරක කර්මාන්තයේ ප්රගතියට ඉවහල් වීමේ පරමාර්ථයෙන් නවතම සුපිරි අවන්හලක් පසුගියදා ගල්කිස්සේ මුහුදු තීරයේදී විවෘත කරන ලදී. Loon Tao (ලූන් ටාඕ) යන නාමයෙන් නම්කර ඇති මෙම සුපිරි අවන්හල ගල්කිස්සේ කොලේජ් ඇවනිව් අවසානයෙහි ඇති මුහුදු තීරයෙහි පිහිටා ඇත. පසුගිය කොවිඩ් වසංගත සමයේදී මෙම අවහන්හල වසාදමා තිබූ අතර, ඉන් පසුව උද්ගත වූ ආර්ථික අර්බුද සමය කාලයේදීත් එය ක්රියාත්මක වූයේ නැත. එසේ වූයේ එම සමය තුළදී මෙරට සංචාරක කර්මාන්තය ඉතා දරුණු ලෙස පරිහානියට පත්ව තිබීම නිසාය. කෙසේ හෝ නැවත පසුගිය වසර දෙකක පමණ කාලයක් තුළ මෙරට සංචාරක ක්ෂේත්රයේ ශීඝ්ර වර්ධනයක් සිදුවූ හෙයින් මෙලෙස විවිධ සංචාරක ව්යාපෘතීන් ආරම්භ කරනු ලැබුවේය. Sri Lanka Latest News
මෙවැනි වටපිටාවකදී පසුගියදා නැවත නවීකරණය කරමින් ආරම්භ කරන ලද Loon Tao අවහන්වල තුළ මේ වනවිට එකවර අමුත්තන් 350ක විශාල ප්රමාණයකට සේවා සැපයිය හැකිය. චීනයෙන් ගෙන්වා ගත් විශේෂඥ චීන සූපවේදියකුගේ පූර්ණ අධීක්ෂණය යටතේ මෙම අවහන්හලේ සියලු ආහාර පිළියෙල කෙරෙන අතර, එහිදී චීන සූපශාස්ත්ර ක්රමය මෙන්ම තවත් සූපශාස්ත්ර ක්රම හරහා ආහාර පිළියෙල කෙරෙයි. මේ අනුව ඉතා ප්රවීණ ලෙස සකස් කරනු ලබන විශේෂිත ආහාර වර්ග රැසක් අමුත්තන්ට ලබාගත හැකිය. දේශීයව ලබාගන්නා මුහුදු ආහාර වර්ග රාශියක් මේ අනුව රස විඳිය හැකිය. මේ අතරම Loon Tao අවන්හලෙහි ආහාර ලබාගැනීම්වලට අමතරව පුද්ගලික රැස්වීම්, ආයතනික සිදුවීම් මෙන්ම වෙනත් සැමරුම් අවස්ථා සඳහාද අවස්ථාව හිමිවෙයි. මෙම අවන්හල මගින් පිටතට ආහාර ගෙන යෑමේ සේවාවක්ද ක්රියාත්මක කෙරෙනු ඇත.
ගල්කිස්ස ‘රන් සැතපුම’ (Golden Mile) නමැති විරුදාවලිය ලත් සුන්දර මුහුදු තීරයේ පිහිටා තිබෙන මෙම නවීන අවන්හල හරහා පාරිභෝගිකයන්ට අමුතුම සුන්දර අත්දැකීමක් ලබාගැනීමට හැකිවනු ඇත. මෙම ‘ලූන් ටාඕ’ අවන්හල විශාල මහල් දෙකකින් සහ අනෙකුත් සියලු පහසුකම්වලින්ද සමන්විත වෙයි. සංචාරක සත්කාරක සේවයේ ප්රවීණ ව්යාපාරිකයකු වන ඩිලාන් ආරියවංශ මහතා මෙම අවන්හලේ අයිතිකරුවා වන අතර, ඔහු එම ව්යාපාරයේ සභාපතිත්වයද දරයි. මෙම අවන්හලෙහි කළමනාකාර අධ්යක්ෂ ධුරය අංජලෝ මෙන්ඩිස් විසින් දරන අතර, ප්රධාන විධායක නිලධාරී තනතුර ශානිකා පෙරේරා විසින් දරයි. Loon Tao අවන්හල පසුගියදා විවෘත කිරීම උදෙසා විශේෂ මාධ්ය සාකච්ඡාවක්ද එහිදී පැවැත්වීමට කටයුතු කරන ලදී.
ප්රියන්ත හෙට්ටිගේ
