2019 ගෝඨාභය රාජපක්ෂ ජනාධිපති ධුරයට පත්වූ පසු මෙරට US Aid ප්රධානී ගෙන්වා ආණ්ඩු විරෝධී සමාජ මාධ්ය මෙහෙයුමකට වියදම් කරනවාදැයි විමසා තිබූ බව මාධ්ය වාර්තා කොට තිබිණි. ගෝඨාභය මෙසේ මෙරට US Aid ප්රධානී ගෙන්වා ප්රශ්න කළේ ඇමෙරිකාවේ US Aid ප්රධානී ලෙස සමන්තා පවර් පත්වීමෙන් පසුවය. 2015 රාජපක්ෂ ආණ්ඩුව පෙරළා දැමීමට සමන්තා පවර් කුමන්ත්රණය කළ බවට රාජපක්ෂවරු චෝදනා කළ අතර, ඇයගේ නව පත්වීම රාජපක්ෂවරුන්ට එතරම් සුබදායක නොවන බව විදේශ සම්බන්ධතා විචාරකයන් පවසා තිබිණී. Sri Lanka Latest News
නමුත් කොවිඩ් කාලයේ එන්නත් ලබාගැනීමට සමන්තා පවර් ගෝඨාභයගේ ආණ්ඩුවට උදව් කළාය. ඇය එලෙස උදව් කළේ හිටපු විදේශ ඇමැති මංගල සමරවීරගේ ඉල්ලීමක් මතය.
2022 රනිල් ජනාධිපති වූ විට ඔහු පොහොර සඳහා සමන්තා පවර්ගේ උදව් ඉල්ලා සිටි අතර, සමන්ත පවර් US Aid හරහා උදව් ලබාදුන්නාය. පසුව රනිල් පවසා සිටියේ තමන් ජනාධිපති ධුරයේ ඉන්නේ සමන්තා පවර් නිසා බවත්, පොහොර ලබාගැනීමට ඇය උදව් නොකරන්න තමාටත් ජනතා විරෝධය හමුවේ ගෙදර යෑමට සිදුවන බවත්ය. රනිල් ජනාධිපති වූ පසු සමන්තා පවර් පැමිණ රනිල් හමුවිය. අනුර ජනාධිපති වූ පසු ඇය අනුර සමග සූම් සාකච්ඡාවක් පැවැත්වීය. ඉන්දීය විදේශ ඇමැති ලංකාවට පැමිණ අනුර හමුවූ පසු අනුර සමග සාකච්ඡා කළ විදේශ රාජ්යතාන්ත්රිකයා සමන්තා පවර්ය. එම සාච්ඡාවේදී අනුර ඇයගෙන් උදව් ඉල්ලා සිටි අතර, ඇය උදව් කිරීමට ප්රමුඛතා ලැයිස්තුවක් ඉල්ලා සිටියාය. අනුර සිටියේ එම සාකච්ඡාව ගැන ලොකු බලාපොරොත්තු ඇතිවය.
දැන් සමන්තා පවර් US Aid ප්රධානී තනතුරේ නැත. ට්රම්ප්ගේ පාලනය US Aid නතර කරන ලෙස චක්රලේඛයක් එවා ඇත. පසුගිය සතියේ US Aid ආධාර ලබන රාජ්ය නොවන සංවිධාන සංවිධාන කොට තිබූ වැඩසටහන් අවලංගු කිරීමට සිදුවූයේ ට්රම්ප්ගේ නියෝගය නිසාය.
ට්රම්ප්ගේ නියෝගය ලංකාවේ මානව හිමිකම්, මාධ්ය නිදහස, ප්රජාතන්ත්රවාදය වෙනුවෙන් පෙනීසිටිනා රාජ්ය නොවන සංවිධානවලට පහරක් වුවත් අනුරගේ ආණ්ඩුවට එය මහත් අස්වැසිල්ලක් වනු ඇත. US Aid ආධාර වැඩි වශයෙන් ලැබෙන්නේ ආණ්ඩුවේ ප්රජාතන්ත්ර විරෝධී ක්රියාවලට එරෙහිව නැගීසිටින රාජ්ය නොවන සංවිධාන සඳහාය. එම ආධාර නතර වීම අනුරගේ ආණ්ඩුවට වාසිසහගතය.
අනුරගේ ඇමෙරිකානු සම්බන්ධය මෙරට ඇමෙරිකානු තානාපති ජූලි චන්ග් සහ සමන්තා පවර් හරහාය. ජූලි චන්ග් ඉදිරි මාස කිහිපයේදී ලංකාවේ සේවය අවසන් කොට යෑමට නියමිතය. සමන්තා පවර් දැන් US Aid තනතුරේ නැත.
සමන්තා පවර් හරහා ඩිමොක්රටික් ආණ්ඩු සමග ලංකාවේ දේශපාලන නායකයන්ගේ සම්බන්ධකම් හැදුවේ චන්ද්රිකා සහ මංගලය. දැන් තියෙන්නේ රිපබ්ලිකන් ආණ්ඩුවක්ය. විපක්ෂයට රිපබ්ලිකන් පක්ෂය සමග සමීප සබඳතා තිබේ. මේ වෙලාවේ අනුරට රිපබ්ලිකන් ආණ්ඩුව සමග සබඳතා ඇතිකර ගැනීමට වඩා ඔහුගේ ආණ්ඩුව ගන්නා ප්රජාතන්ත්ර විරෝධී තීරණවලට එරෙහිව චීන – ඇමෙරිකානු මැදිහත්වීම් නතර කරගැනීම දේශපාලන වශයෙන් වාසිදායකය.
