Huawei විසින් TECH4ALL දියත් කරයි

තොරතුරු හා සන්නිවේදන තාක්ෂණ විසඳුම් සපයන්නන් අතර ප්‍රමුඛයන් වන Huawei විසින් තාක්ෂණිකමය වශයෙන් ශ්‍රී ලාංකීය ප්‍රජාව සහ ව්‍යාපාර සවිබල ගැන්වීමේ ප්‍රමුඛ අරමුණ ඇතුව TECH4ALL මැයෙන් නව ව්‍යාපෘතියක් දියත් කර ඇත.

TECH4ALL පිළිබඳ අදහස් දක්වමින් Huawei එන්ටර්ප්‍රයිස් ශ්‍රී ලංකා ව්‍යාපාර අංශයේ උප සභාපති ඉන්දිකද සොයිසා මහතා මෙසේ පවසා සිටී “ Huawei සම්බන්ධතා, යෙදවුම් සහ කුසලතා (Connectivity, Applications, Skills) යන ක්ෂේත්‍ර ත්‍රිත්වයක් මත පදනම්ව දියත් කරන ලද අතර මෙහි සම්බන්ධතා (Connectivity) තුළින් තාක්ෂණික නවෝත්පාදනයන් සඳහා වන පිරිවැය සහ ආවරණය සම්බන්ධයෙන් ඇති වන බාධක අවම කිරීමට Huawei විසින් කටයුතු කරයි. මෙහිදී RuralStar වැනි වැඩසටහන් හරහා Huawei විසින් සියලුම තාක්ෂණික සහකරුවන් වෙත අවම පිරිවැයක් යටතේ වඩාත් හොඳ wireless ආවරණයක් ලබා ගැනීමට කටයුතු කරනු ඇත. Application හරහා Huawei විසින් යෙදුම් නිර්මාණය (Application Development) උදෙසා සංවර්ධකයින් බල ගැන්වීම සහ ඒ සඳහා යහපත් තාක්ෂණික පරිසරයක් නිර්මාණය කිරීම සිදු කරයි. Application යටතේ ශ්‍රී ලංකාවේ ඩිජිටල් සෞඛ්‍ය හා ස්මාර්ට් අධ්‍යාපන වැඩසටහන් වැඩිදියුණු කිරීමටද Huawei කටයුතු කරනු ඇත.”