HNB FINANCE ‘අපේ ගෙදර අවුරුදු’ ඩිජිටල්කරණ වැඩසටහන මෙවරත්

ශ්‍රී ලංකාවේ ප්‍රමුඛතම මූල්‍ය සමාගමක් වන HNB FINANCE PLC පසුගිය වසරේ මෙන්ම මෙම වසරේදීද සිංහල සහ දෙමළ අලුත් අවුරුදු සමය වෙනුවෙන් දැනුම හා විනෝදය සපිරි සාම්ප්‍රදායික අවුරුදු ක්‍රීඩා සහ අනෙකුත් අවුරුදු විශේෂාංග රැසකින් සමන්විත ඩිජිටල් අවුරුදු ප්‍රවර්ධන වැඩසටහන දියත් කරනු ලැබීය. 2020 වසරේ සිංහල අලුත් අවුරුද්ද නිමිති කොට ඇරඹි මෙම වැඩසටහන එහි සාර්ථකත්වය නිසාම මෙම වසරේදීද පැවැත්වීමට HNB FINANCE සමාගම කටයුතු කරන ලදී.

HNB Finance ‘අපේ ගෙදර අවුරුදු’ ප්‍රවර්ධන වැඩසටහන තුළින් සියලුම ශ්‍රී ලාංකිකයින්ට ඔවුන්ගේ නිවෙස්වල සුරක්ෂිතව හිඳිමින් ඒවාට සහභාගි වී, තරග කළ හැකි විය. කොට්ට පොර, කණාමුට්ටිය බිඳීම, ලිස්සන ගහ, අලියාට ඇහැ තැබීම, අවුරුදු මැරතන් මෙන්ම අවුරුදු රස පැන ආදී තරග රාශියකින් මෙය සමන්විත විය. තවද, මෙම ඩිජිටල් අවුරුදු ක්‍රීඩා පරිශීලකයන්ට දිනුම් ඇදීමක් සඳහා ලියාපදිංචි වීමට අවස්ථාවක්ද ලබාදුන් අතර භාගත (Download) කළ හැකි පරිදි සකස් කළ අවුරුදු ලිත සහ අවුරුදු පණිවුඩයද මේ සමග ලබාදෙන ලදී.