රුපියල් තුන් කෝටි දහතුන් ලක්ෂ අසූ දහසක් වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන විත් ඒවා කටුනායක ගුවන් තොටුපොළ පැමිණීමේ පර්යන්තයේ කිසිවක් ප්රකාශ කිරීමට නොමැති ” හරිත මාවත ” ( Green Channel ) ඔස්සේ පිට කර ගෙන යාමට තැත් කළ විදේශීය සහ ශ්රී ලාංකික ගුවන් මගීන් 18 දෙනෙකු සමග 05/30 දින අලුයම ගුවන් තොටුපොළ රේගු නිලධාරීන් සහ රේගු මත්ද්රව්ය පාලන අංශයේ නිලධාරීන් පිරිසක් විසින් අත් අඩංගුවට ගෙන තිබේ.Sri Lanka Latest News
මොවුන් අතර චීන ජාතික ගුවන් මගීන් 16 දෙනෙකු සහ ශ්රී ලාංකික ගුවන් මගීන් 02 කු සිටින අතර ඔවුන් සියලුම දෙනා ව්යාපාරිකයෝ වෙති.
ඔවුන් ඩුබායි සහ මැලේසියාවේ ක්වාලාලම්පූර් නුවර සිට එමිරේට්ස්, එයාර් ඒෂියා , මැලේසියානු ගුවන් සේවයේ සහ බතික් එයාර් ගුවන් සේවයේ ගුවන් යානා වලින් 05/30 දින අලුයම කටුනායක ගුවන් තොටුපොළ වෙත පැමිණ තිබුණි.
එහිදී ඔවුන් විසින් රැගෙන ආ ගමන් මලු 27 ක් තුළ චීනයේ නිෂ්පාදිත දුම්වැටි 209,200 ක් අඩංගු දුම්වැටි කාටූන් 1046 ක් සගවා ගෙන තිබුණි .
කටුනායක ගුවන් තොටුපොළ රේගු නිලධාරීන් මොවුන් අත් අඩංගුවේ තබා ගෙන මේ පිළිබද වැඩිදුර විමර්ශන කටයුතු සිදු කරමින් සිටිති .
