Q+ ඇප් පහසුකමෙන් වීසා කාඩ්පත් ගෙවීම් සඳහා කොමර්ෂල් බැංකුවෙන් ‘කෑෂ් බැක්’ ප්‍රතිලාභයක්…

Q+ ගෙවීමේ ඇප් පහසුකම ඔස්සේ LANKAQR පද්ධතිය මගින් වීසා කාඩ්පත් භාවිත කරමින් ගෙවීම් කිරීමේදී කාඩ්පත් හිමියන්ට සිය ගනුදෙනු වටිනාකමින් 30%ක් දක්වා මුදලක් ආපසු ගෙවීමට කොමර්ෂල් බැංකුව ලොව ඩිජිටල් ගෙවීම් ක්ෂේත්‍රයේ ප්‍රමුඛයා වන වීසා සමග ඒකාබද්ධ වී තිබේ.

2022 මාර්තු 31 වැනිදා දක්වා පැවැත්වෙන මෙම වැඩසටහන කොමර්ෂල් බැංකුවේ වීසා කාඩ්පත් හිමියන් අතර LANKAQR ගනුදෙනු ප්‍රචලිත කිරීම සඳහා වීසා සමාගම ශ්‍රී ලංකාවේ පවත්වන පළමු ප්‍රවර්ධන වැඩසටහන වේ.

www.combank.lk වෙබ් අඩවියේ ‘Rewards and Promotions’ කොටසට ගොස් මෙම ප්‍රවර්ධන වැඩසටහනේ තොරතුරු සහ කොන්දේසි පිළිබඳ වැඩිදුර තොරතුරු දැනගත හැකි බව බැංකුව සඳහන් කරයි.

මේ අනුව, Q+ ගෙවීමේ ඇප් පහසුකම ඔස්සේ LANKAQR ස්කෑන් කර වීසා කාඩ්පත් පිළිගන්නා ඕනෑම බැංකුවක් තුළින් ගෙවීම් කර කොමර්ෂල් බැංකුවේ කාඩ්පත් හිමියන්ට මෙම ප්‍රවර්ධන වැඩසටහන මගින් ප්‍රතිලාභ ලබාගත හැකි බව බැංකුව සඳහන් කරයි.