මේ අප්‍රේල් සහ මැයි මාසවලදී කොමර්ෂල් බැංකුවේ ‘අරුණළු’ ළමා ඉතිරීකිරීමේ ගිණුමක් හෝ ‘ඉසුරු’ ළමා ඉතිරිකිරීමේ ගිණුමක් විවෘත කරන සියලුම ගනුදෙනුකරුවන්ට එම ගිණුමෙන් සහ ඉතිරි කිරීමේ සැලසුම මගින් ලබාදෙන ප්‍රතිලාභ තවදුරටත් වැඩිකරමින් ත්‍යාගයක් පිරිනමන බව බැංකුව නිවේදනය කර ඇත.
බැංකුවේ ජනප්‍රියතම ළමා ඉතිරි කිරීමේ ගිණුම් මගින් ලබාදෙන ඉතිරි කිරීමේ විකල්ප පිළිබඳ අවධාරණය කිරීමටත් දරුවන් වෙනුවෙන් ඉතිරි කිරීම දෙමව්පියන්ට යොමුකිරීම සඳහා මෙම ප්‍රවර්ධන වැඩසටහන සැලසුම් කර තිබෙන බව බැංකුව සඳහන් කරයි.
අප්‍රේල් 01 වැනිදා සිට මැයි 31 වැනිදා දක්වා රුපියල් 1000ක හෝ එයට වඩා වැඩි මූලික තැන්පතුවක් සමග මෙම ඉතිරි කිරීමේ ගිණුම් දෙකෙන් එකක් විවෘත කරන අයට පරිසර හිතකාමී ලෝහයකින් තැනූ කාසි එකතු කරන කැටයක් හෝ අවුරුදු තුනක් දක්වා දරුවන් රැකබලා ගන්නා ආකාරය උගත හැකි වටිනා පොතක් හිමිකරගත හැකි බව බැංකුව සඳහන් කරයි.
