AIA ඉන්ෂුවරන්ස් රැකියාව කිරීමට හොඳම සේවා ස්ථානයක්…

තවත් මානව සම්පත් ජයග්‍රහණයක් අත්පත් කරගනිමින් AIA ඉන්ෂුවරන්ස් ලංකා සමාගම ‘Best Workplace for Millennials’ – සහශ්‍රකයන් හට රැකියාව කිරීමට හොඳම සේවා ස්ථානයක් ලෙස නොබෝදා Great Place to Work® ආයතනය වෙතින් ඇගැයුමට ලක්විය.

මෙසේ සම්මානයට පාත්‍රවීම සමාගමේ පවතින විවිධත්වය සහ ප්‍රගතිශීලී සංස්කෘතිය පිළිබඳ සැබැවින් සාක්ෂි දරයි.

‘Best Workplace for Millennials’ – එනම් සහශ්‍රකයන් හට රැකියාව කිරීමට හොඳම සේවා ස්ථානයක් ලෙස ඇගයුමට ලක්වීම, AIA ඉන්ෂුවරන්ස් ලංකා සමාගම Great Place to Work® වෙතින් රැකියාව කිරීමට හොඳම සේවා ස්ථානයක් ලෙස, විශාල සමාගම් කාණ්ඩය යටතේ ආසියානු සමාගම් ලයිස්තුවට තේරී පත්වීම හා සමගාමීව සිදුවීම විශේෂත්වයක් ගන්නා අතර මෙරට රැකියාව කිරීමට හොඳම සේවා ස්ථානයක් ලෙස අඛණ්ඩව 9 වැනි වතාවට පිදුම් ලැබීමද සුවිශේෂ වෙයි. මේ සියලු සම්මානයන්ගෙන් COVID-19 වැනි වසංගතයක් පවතින අභියෝගාත්මක කාල පරිච්ඡේදයක් තුළදී පිදුම් ලැබීම සමාගම වෙත මහත් ගෞරවයක් ළඟාකර දෙයි.