AIA පිට පිට 6 වැනි වරටත් ලෝකයේ එකට

AIA ගෘප් ලිමිටඞ් ආසියානු පැසිෆික් කලාපයේ විශාලතම ජීවිත රක්ෂණ සමූහය අඛණ්ඩව වසර 6ක් පුරාවට මිලියන් ඩොලර් රවුන්ඞ් ටේබල්හි (MDRT) ලොව වැඩිම සාමාජිකත්වයක් හිමිකරගෙන සිටින එකම ජාත්‍යන්තර සමාගම බවට පත්වීමේ ඓතිහාසික ජයග්‍රහණය මහත් අභිමානයෙන් ප්‍රකාශ කර සිටියි.
2020 වසර ජූලි මස 1 වැනිදා වනවිට AIA සමූහයේ අලෙවි බලකා සාමාජිකයින් 12,796ක් වන වාර්තාගත සංඛ්‍යාවක් MDRT සාමාජිකයින් ලෙස ලියාපදිංචි වී සිටී.

මිලියන් ඩොලර් වටමේසයේ (MDRT) සාමාජිකත්වය ජීවිත රක්ෂණ සහ මූල්‍ය සේවා ව්‍යාපාරය තුළ විශිෂ්ටතා ප්‍රමිතිය ලෙස ජාත්‍යන්තරව පිළිගැනේ. එහි සාමාජිකයින්, උසස් මට්ටමේ වාරික, කොමිස් මුදල් සහ ආදායම් ජනනය කළයුතු වන අතර, වෘත්තීය දැනුම, නිවැරදි ආචාරධර්ම පිළිපැදීම සහ කැපීපෙනෙන සේවාලාභී සත්කාරය, යන සුවිශේෂී ගුණාංගයන්ගෙන් පිරිපුන් පිරිසකි.

AIA සමූහයේ ප්‍රධාන විධායක නිලධාරී සහ සභාපති වන ලී යුඅන් සියෝන්ග් කියා සිටියේ “අපගේ අලෙවි බලකා සාමාජිකයින් පිළිබඳව මා ඉතාමත් සතුටු වන අතර සේවාලාභීන්ගේ විශ්වාසවන්ත හවුල්කරුවන් ලෙස දිනපතා ඔවුන්ගේ කාර්යභාරය මා වඩාත් අගය කරනවා. මෙම ජයග්‍රහණය ඔස්සේ අපගේ උපදේශකයින්ගේ ඉහළ වෘත්තීයභාවය සහ සේවාලාභීන් වෙනුවෙන් දක්වන ඉමහත් කැපවීම මනාව පිළිබිඹු වෙන අතර තරගකාරීත්වය තුළ අප සමාගමට ඉදිරියෙන් සිටීමට මෙම ජයග්‍රහණය ප්‍රධාන සාධකයක් වනු ඇත. අපගේ සේවාලාභීන් හට සුවපත්, සැපවත් මෙන්ම දිගුකල් ජීවිත ගත කිරීමට සහාය වීමේ ප්‍රයත්නය වෙනුවෙන් අපගේ අලෙවිකරුවන් තවදුරටත් බලගැන්වීමට අප සහතික වෙනවා.”