වසර 14 තිස්සේ නොවිසිදුනු බරපතළ අපරාධයක් වන රාගම මහා දේවාලයේ ප්රධාන දේව ගැතිව සිටි එම්.එස්.එම්.නියාස් නොහොත් ලොකු සීයා ඝාතනය කළ අපරාධකරුවන් කඩිනමින් නීතිය හමුවට පමුණුවා ඔවුන්ට නිසි දඬුවම් ලබා දෙන්නයි ඉල්ලා දෙස් විදෙස් බැතිමතුන් රැසකගේ සහභාගිත්වයෙන් දේව කන්නලව්වක් සිදුකරමින් අධිෂ්ඨාන පොල් 1000ක් බිඳීම රාගම මහා දේවාලයේදී 2025-11-22 සිදු කෙරෙනි.Sri Lanka Latest News
2011-10-27 සවස 6.15 වත්තල කෙරවලපිටිය ගුණසේකර මාවතේදී ආයුධ සන්නද්ධ පිරිසක් විසින් අධි ආරක්ෂිත කලාපයෙන් පැහැරගෙන ගොස් විදුලු සැර 08 වතාවක් වද්දවා(මරණ පරීක්ෂණ වාර්තාවේ සඳහන් වන පරිදි )ගෙල සිරකර අමානුෂික වද හිංසා ලබාදී ඝාතනය කර ආරක්ෂක අංශවලට අයත් කොටස් සහ යකඩ කිලෝ 100 ගැට ගසා(අපරාධ පරීක්ෂණ දෙපාර්තමේන්තුව විසින් සොයාගත් කරුණු අනුව) මුහුදේ ගිල්ලු මළ සිරුර අක්කරේපත්තු බදුර්නගර් වෙරළ සීමාවෙන් හමු විය.
2011 වසරේ සිදුවූ සුදු වැන් සංස්කෘතියෙන් පැහැරගෙන ගොස් ඝාතනය කළ සහ අතුරුදන් කළ පිරිසගෙන් මෘත ශරීරයක් හමුවූයේ ලොකු සීයාගේ මෘත ශරීරය පමණි.
ලොකු සීයා ඝාතනය සම්බන්ධව සියලු පරීක්ෂණ කඩිනම් කර අපරාධ කරුවන් නීතිය රැහැණට හසු කර දෙන ලෙස සියලු ආරක්ෂක අංශවලට සහ සියලුම වගකිය යුත්තන්ට ලිඛිතව සෑම වසරකදීම දැනුම් දුන්නද කිසිදු සාධාරණයක් මෙතෙක් ඉටු නොව් බව ලොකු සීයාගේ පවුලේ ඥාතීන් පවසයි.
වත්මන් ජනාධිපති අනුර කුමාර දිසානායක මහතා 2015 ජනතා විමුක්ති පෙරමුණේ නායක වශයෙන් කටයුතු කරන අවස්ථාවේදී එතුමා බලයට පත් වූ අවස්ථාවකදී ලොකු සීයා ඝාතනයට සාධාරණයක් ඉෂ්ට කරන බව ලිඛිතව සටහන් කර ලිපියක්ද අප වෙත ලබා දී ඇති බැවින් මෙම අපරාධයට සාධාරණයක් ඉෂ්ට කර අපරාධකරුවන් කඩිනමින් අත්අඩංග ගන්නා ලෙස ජනාධිපතිතුමා,මහජන ආරක්ෂක අමාත්යතුමා සහ පොලිස්පතිතුමාගෙන් ලොකු සීයාගේ වැඩිමහල් පුත් එම්.එන්.එම්.හිසාන් (පොඩි සීයා) සහා බාල පුත් එම්.එන්.එම්.හිජාස් (චූටි සීයා ) ඇතුළු පවුලේ ඥාතීන් ඉල්ලා සිටිති
ප්රියන්ත හෙට්ටිගේ
