ශක්තිමත් නායකයකු ලෙස ලංකා බැංකුව තවත් ඉදිරිය

දේශීය බැංකු ක්‍ෂේත්‍රය තුළ අද්විතීය සන්නාමයක් සනිටුහන් කරමින්, ලංකා බැංකුව බලාපොරොත්තු සහිතව 2021 වසරට පා තබන ලදී. කෙසේ නමුදු ගෝලීය Covid-19 ව්‍යසනකාරී තත්ත්වය තුළ අඛණ්ඩ සේවාවන් සැපැයීම සඳහා නව්‍ය උපාය මාර්ගික සැලසුම් අනුගමනය කිරීමට බැංකුවට සිදුවිය. ලංකා බැංකුව සතු පරිණත මානව සම්පත උපයෝගී කරගනිමින්, දේශීය ආර්ථික වර්ධනයට දායකත්වය සපයමින් නව වසරට සාර්ථකව මුහුණ දෙන්නට බැංකුව සමත්ව ඇත.

අද වන විට බැංකුව විසින් රු. බිලියන 39ක් ‘සෞභාග්‍යා Covid-19 ණය යෝජනා ක්‍රමය’ යටතේ Covid-19 ව්‍යසනය හේතුවෙන් මූල්‍ය අපහසුතාවන්ට ලක්වූ ව්‍යාපාරිකයන්ට කාරක ප්‍රාග්ධනය සංවර්ධනය හා කෘෂිකාර්මික අංශය සඳහා BOC ‘දිවි උදාන’ ණය යෝජනා ක්‍රමය යටතේ ණය පහසුකම් ඇතුළුව රුපියල් බිලියන 128ක් ලබාදී ඇත.
2020 සැප්තැම්බර් 30න් අවසන් මාස 9 සඳහා පමණක් බදුවලට පෙර ලාභය රුපියල් බිලියන 16.6ක් සහ බදු ගෙවීමෙන් පසු ලාභය රුපියල් බිලියන 11.7ක් වෙයි.

මෙම කාලසීමාව සඳහා බැංකුවේ මුළු ආදායම රුපියල් බිලියන 181.8ක් වන අතර, එය 2%ක ආන්තික වැඩිවීමකි. මෙම කාලසීමාව සඳහා අරමුදල් නොවන ආදායම රුපියල් බිලියන 12.9ක් වන අතර, එය රුපියල් බිලියන 1.7ක වැඩිවීමකි. එයින් විනිමය ලාභය රුපියල් බිලියන 3.6ක් දක්වා වර්ධනය විය.