නාඩි ජ්යොතිෂයට අනුව නොවැම්බර් මාසයේ ඉපදුණු ඔබට ඉදිරි සතිය (නොවැ. 09 සිට නොවැ. 16 දක්වා) කෙසේද යන්න විමසා බලමු.
පසුගිය සතියේ සඳහන් කළ පරිදි මෙම මාසය පුරා ඔබට කුජ සහ සඳු ග්රහයන්ගේ ග්රහ බලපෑම සිදුවේ. මෙය තරමක ව්යාකූල ගති ස්වභාවයක් ගනී. මන්ද සඳු ඉතා සෞම්ය සිතුවිලිවලට බලපෑම් කළ හැකි ග්රහයෙකි. ග්රහ ලොව මවු වශයෙන්ද හැඳින්වේ. එසේම කුජ ග්රහයා යනු ග්රහ ලොව සෙන්පතියාය. සටන්කාමී ගති ස්වභාවය නිරතුරුවම පිළිබිඹු කරයි. එබැවින් මෙම සතිය තුළ නොවැම්බර් මාසයේ ඉපදුණු පුද්ගලයන් හට තරමක චිත්ත පීඩා ගති ඇතිවේ. සතියේ මුල් දවස් දෙක තුන සෙම් රෝග ආදිය මතුවීමට ඉඩකඩ පවතින නමුත් සතිය මැද සහ අග වනවිට එම තත්ත්වයන් සමනයට පත්වේ. මෙම සතියේදී මුදල් සම්බන්ධයෙන් යම් යම් ගැටලුකාරී තත්ත්වයන් මතුවිය හැකි බැවින් ණයට දීමෙන් හෝ අවිනිශ්චිත කාර්යයන් සඳහා මුදල් යෙදවීමෙන් වැළකී සිටිනවා නම් නුවණට හුරුය. වංචාවන්ට හසුවීමට ඉඩ පවතී.
නෑ හිතමිතුරින් සමග හොඳ හිත වර්ධනය වේ. ඒ සමගම කතාබහට ලක්වන අන්දමේ සිදුවීමක් ඔබට සිදුවිය හැක. බොහෝ විට එය ඔබගේ ජයග්රහණයක් වීමට ඉඩ ඇත. තරග විභාග ආදියට මුහුණ දෙන නොවැම්බර් මාසයේ ඉපදුණු ඔබට මෙම සතියේ නිතැතින්ම ජය හිමිවේ. ඒ සඳහා ඒකායන චිත්ත ධෛර්යය යොදවා කටයුතු කිරීම යෝග්ය වේ.
අධික සුළං සහ වැසි තත්ත්වයන් මෙම සතිය තුළදී මතුවීමට ඉඩ පවතින බැවින් එම ස්වභාවික සංසිද්ධි මතින් ඇතිවන ගැටලුකාරී තත්ත්වවලට සියල්ලන්ට මෙන්ම ඔබටද මුහුණ පෑමට සිදුවේ. එම නිසා මෙවැනි විපත්වලට පෙර සූදානම උචිත වේ. උස ගස්, අතු ආදිය කඩාවැටීම නිසා දේපළ හානි සිදුවීමට බොහෝ විට ඉඩකඩ පවතී. පුද්ගලික වාහන භාවිත කරන අය තම වාහනවල නඩත්තු කටයුතු නිසි පරිදි සිදුකරවාගෙන ඒවා පරිහරණය කරනවා නම් වාහනවලින් සිදුවීමට හැකි අනතුරුදායක තත්ත්වයන් මගහරවා ගැනීමට හැකියාව ඇත.
සෞන්දර්යය උදෙසා කරන කටයුතු සඳහා සිතෙහි වැඩිපුර රුචිකත්වය ඇතිවේ. නාට්ය, රංගනය ආදී නිරත වන නොවැම්බර් මාසයේ උපන් ඔබට ඒ සඳහා නව අවස්ථාවන් උදාවේ. ඒවායින් ආදායම් මාර්ග ගොඩනගා ගැනීමටද හැකියාව ලැබේ.
ප්රේමවන්තයන්, විවාහක අය මේ සියලු දෙනා අතරම ඇති අන්යොන්ය ආදරය වැඩිදියුණු වේ. එය ඉදිරි සතිය පුරාම පවතී. එකිනෙකා වෙනුවෙන් කාලය වැයකිරීමට සියල්ලන්ටම සිත් පහළ වේ.
නොවැම්බර් මාසයේ උපන් ඔබට ඉදිරි සතිය ජයග්රාහී, ආදරණීය සතියක් වුවත් ස්වභාවික විපත්වලින් ප්රවේසම් විය යුතුය.
මනෝලි බණ්ඩාර
077-9834889
