තනිකඩ ජීවිතේ වෙනසක් නැත්තෙ ඇයි?

විවාහයට සියලුම භෞතිකමය සම්පත් බහුලවන තිබියදී හුදකලා ජීවිත ගතකරන අය සුලබය. මෙසේ වීමට මූලිකම හේතුව කුමක්ද යන්න ජ්‍යොතිෂ ඇසින් විග්‍රහ කර බලන විටදී ශනි විවාහය ප්‍රමාද කරන තැනට පත්ව ඇති බව පෙනී යයි. ශනි 5 වැන්නේ සිටි විටද, 3-7-11 භාවයන්ට ශනිගේ දෘෂ්ටිය එල්ල වූ අවස්ථාවන්හිද විවාහය පමා වන බැව් ජ්‍යොතිෂ විiාත්මක කරුණක් වන බැව් පැහැදිලිය.

ශනි සිටින තැන සිට 3, 7, 10 භාවයන්ට ශනිගේ පෙනීම තුළදී කේන්දර හිමියාගේ විවාහය අනවශ්‍ය ලෙස පමා වේ.

ශනි 2, 7, 11 භාවයක සිටින විටදී එකී භාවයන්ට ශනි ග්‍රහයා හිමි වීමද එම භාවයක සිටින ග්‍රහයෝ හිමි නැකැතක උපතේදී ශනි සිටීම හරහාද විවාහය පමා වේ.

1, 3, 7, 10 භාවයක ශනි සිටින විටද යුග දිවිය පමා වෙයි. බලවත් සුබ ග්‍රහ පෙනීමක් ඇතත් දෙදෙනා අතර සබඳතාව දුර්වල විය හැකිය. අඩුපාඩුකම් මත විවාහය ගතකෙරේ.

මීනයේ රවි, ශුක්‍ර දෙදෙනා සිට එහි 2 වැන්නේ කුජ, ශනි සිටීම නිසා යුගදිවි පමා වේ.

2 වැන්නේ සිටින කුජ, ශනි දෙදෙනාම 7 වැන්න වූ තුලාවේ, මකර නවාංශකයේ සිටින ගුරුට පෙනේ නම් යුග දිවිය පමා කිරීමට හේතුකාරක වේ.

19 වැනි දෙර්කාණාධිපති වූ බුධ ශනිගේ රාශියක් වූ 12 සිටීම හරහා නම් එයත් යුග දිවි පමා කරන හේතුවකි.

7 භාවයේ උප අධිපතියා ශනි සමග සම්බන්ධ වීමෙන් 2, 7, 11 භාවයක ශනි නැතිව 4, 6, 10 භාවස්ථානයකට සබඳකම් ඇත්තේ නම් ජන්මියා අවිවාහකව සිටී.

ශනි – සඳු සමග සම්බන්ධ වූ විට විවාහ වූවන්ට බාහිර බාධා යෙදේ. ශනිට සිකුරු පෙනීමත්, සිකුරුට නොපෙනෙන ලෙස රවි 7 වැන්නේ වීමත් විවාහය පමා වීමට හේතුවක්ය.

7 අධිපතියා අවුල්සහගත නම් නීච නම් විවාහයද අවුල් වේ.

ශනිට චන්ද්‍ර, සිකුරු පෙනීමෙන් විවාහයට බාධා ගෙන දේවි.

ශනි හිමි මකර ලග්නයේ රවි, කුජ, ශනි කේතු සමග යෝග වී 7 වැන්නේ රාහු සිටීමෙන් හිතවක්කාර විවාහයක් වී භද්‍ර යෞවනයේ අධික කාමයෙන් යුතුව මැයට ලැබෙන දූදරුවන්ට දැනුම්, තේරුම් වයසේදී පුරුෂයා ඇයව අත්හැර දමනු ඇත. දරුවන්, මවුපියන්ගෙන් වෙන් වීමේ ගතියක්ද ඇති වේ.

මෙම ග්‍රහ හැසිරීම් රටාව නිරීක්‍ෂණය කරන විටදී විවාහ වී දෙදෙනෙකු එක වහලක් යට ජීවිතාන්තය පුරාම සෙනෙහෙසින් බැඳී සාමකාමී යුග දිවියක් ගෙවීම නම් පෙර කරන ලද මහා පින්කම් ආධාරක වේ.

පූර්ව භවයන්හිදී විවිධ අමානුෂික අපරාධ අඹු-සැමියන් භේදභින්න කිරීම, වෙන් කිරීමට, උපදෙස් දීම, අන-වින, හදි-හූනියම් කිරීම් ආදී අමානුෂික ක්‍රියාකාරකම්වල ප්‍රතිඵල වශයෙන් මෙලොවදී අසුබ ඵලවිපාක විඳීමට සිදුවන බැව් අහස් සිතියමේ භ්‍රමණය වන ග්‍රහ කිරණ නිවැරැදිව නිරීක්‍ෂණය කිරීමෙන් වටහාගත හැකි වන්නේය. ඒකයි සත්‍යය.

අප මෙලොව ජීවත්වන විටදී මනාව භක්තියෙන් යුතුව අන්‍යයන්ට උපකාර, සංග්‍රහ කරන්නේ නම් පින්කම්වල නිරත වන්නේ නම් එවැනි සංසාර ගතව නූලක් සේ ඇදී එන පව් නිවාරණය කරගැනීමට හැකිවේ.

මෙලොව සියලුම සැප සම්පත් හිමිවී මහා ධනකුවේරයන්ගේ සමහර යුගදිවි දෙදරා යන බැව් සක්සුදක්සේ පැහැදිලිය. පූර්ව ආත්මයන්හි අප විසින් කරන ලද මහා පාපකර්ම පාරාවළල්ලක් සේ තමාටම එරෙහි වන බව නම් සැබෑවකි. සිය ජන්මපත්‍රය ගැඹුරින් නිරීක්‍ෂණය කිරීමේදී පෙර ආත්මයත්, මේ ආත්මයත් ඊට පසු ජනිත වන ආත්මයන් ගැන මනා ඉවක් දැනගැනීමට හැකිවේ.

අප සිතන තරම් ජීවිතය සූකිරි කන්දකින් ගලා හැලෙන මී පැණි දිය දහරක්ද නොවන බව පසක් වේ. පළමුව ඔබ ඔබටම ආදරය කරන්න හුරුපුරුදු වුවහොත් අන්‍යයන්ට ආදරය කිරීම එතරම් අපහසු නොවේ. එය රසදිය ඇති කණ්ණාඩියකට විදුලි පන්දමකින් එල්ල කරන ආලෝකය නැවැත පරාවර්තනය වීමක් වැනිය.

ප්‍රවීණ ජ්‍යොතිෂවේදී දේශබන්දු ටී. හෙන්රි බෙම්මුල්ල