රාහු පළමුවැන්නේ නම්
රාහු ලග්නයේ සිටි විට ශරීරය උස් වීමටත්, සිහින් සිරුරක් ඇතිකිරීමටත් හේතු වෙයි. කිසියම් කාර්යයක් කිරීමට කිසි විටෙක මැළි නොවන්නෙකි. කඩිසරව වැඩ කටයුතු කරනු ඇත. ඇවිදීමට වැඩි ප්රියතාවක් දක්වන්නෙකි. විරුද්ධවාදීන් මැඬගෙන ඉදිරියටම යෑමේ හැකියාව ඇත. උස්පහත්කම් කිසි විටෙක නොසලකයි. දුප්පතා හෝ පොහොසතා අතර කිසිම වෙනසක් නොදකින අයකුගේ රාහු පළමුවැන්නේ පිහිටා තිබෙනු ඇත. අන් අයගේ දැනමුතුකම් ලබාගැනීමට ප්රියාතාවක් නොදක්වයි.
රාහු දෙවැන්නේ නම්
රාහු දෙවැන්නේ සිටින පුද්ගලයන්ගේ දත් මනා ලෙස නොපිහිටයි. එසේත් නැත්නම් දත් බොල්ලැ වීම හෝ ඉක්මනින් දිරාපත් වීමක් සිදුවෙයි. මොවුන්ගේ කතා විලාසය අන් අයගේ සිත් රිදවීමට බොහෝ දුරට ඉඩ ඇත. තමාගේ කුඩා කාලය පියාට අපල ගෙන දෙන කාලසීමාවකි. අතට මුදල් කොතරම් ලැබුණත් එසැණින්ම ඒවා වියදම්වී යනු ඇත.
රාහු තෙවැන්නේ නම්
අන් අයගේ බසට අවනත නොවන මොවුන් තමාට සිතුණු දේ කිරීමට නොපසුබට වෙයි. එබැවින් යම් දෙයක් කිරීමට පෙර බොහෝ දේ ගැන සිතා කල් නොයවන ගතිය ඇතිවේ. නමුත් මොවුන් අකීකරු අය නොවේ. තම ගෙදරට සහෝදරයන්ට ඉතා හොඳින් සලකන්නෙකි. ඔවුන් සමීපව ඇසුරු කරයි. විවාහවූ පසු තම සහකරුට හෝ සහකාරියට ඉතා හොඳින් සලකයි. උපන් තත්ත්වයට වඩා කිහිප ගුණයකින් උසස් වෙයි.
රාහු හතරවැන්නේ නම්
දුරදිග බලා කටයුතු නොකරන පුද්ගලයන්ගේ රාහු හතරවැන්නේ පිහිටා ඇත. නිවෙසෙහි කාලය ගත කරන්නේ ඉතා අඩුවෙනි. රැකියාවන් සඳහා ගමින් ගමට යෑමට සිදුවෙයි. රැවටිලි වංචාසහගත ක්රියාවන්ට පහසුවෙන්ම හසුවෙයි. තමාගේ මහන්සියේ තරමට රැකියාවෙන් හොඳ වැටුපක් නොලබනු ඇත. උෂ්ණ රෝග ඇතිවේ. සිතේ නොසන්සුන් ගති ඇති කරයි. දේපළ පිළිබඳ නොයෙකුත් පැටලිලි ඇතිවේ.
රාහු පස්වැන්නේ නම්
රාහු පස්වැන්නේ සිටි විට බාධක මැදින් තම අධ්යාපන කටයුතු කරගෙන යනු ඇත. උස්වූ සිරුරක් හිමිවෙයි. විවාහය සාර්ථක වෙයි. දරුපල මඳය. ලැබෙන දරුවන්ද පිරිමි දරුවන් වීමට බොහෝ සේ ඉඩ ඇත. ඔවුන් සමග සමීපව ඇසුරු කළද දරුවන් කාලයත් සමග තමාගෙන් දුරස්වී යයි.
රාහු හයවැන්නේ නම්
දරුණු රෝගාබාධවලට මුහුණපෑමට සිදු නොවේ. සුළු වශයෙන් බඩේ අමාරුකම් නිතර සෑදිය හැකිය. ගුණ නුවණින් යුතු අයෙකි. සමාජයේ ප්රසිද්ධියට පත්වෙයි. ලැබෙන සහකරු හෝ සහකාරිය ඉතා යහපත් අයකු වනු ඇත. නමුත් දරුපල අඩු වෙයි. තමා හොඳින් නොහඳුනන අය සමග ඇසුරු නොකරයි. සතුරන් පරාජය කිරීමට හැකි වන අතර සතුරන්ව නොසලකා හැරීමද මොවුන් තුළින් දැකිය හැකි විශේෂ ලක්ෂණයකි.
රාහු හත්වැන්නේ නම්
රාහු හත්වැන්නේ සිටින විට කාමාශාව අධික වෙයි. එබැවින් තරුණ වයසේදීම විවාහ දිවියට ඇතුළත් නොවුණහොත් රහසින් හෝ වෙනත් අයකු සමග සම්බන්ධතාවක් ගොඩනගාගනියි. විවාහය මුලදී සාර්ථක වුවද පසු කලෙකදී එය අවුල්වී යෑමට ඉඩ ඇත. සහකරු හෝ සහකාරිය තමාගෙන් වෙන්වී යෑමට ඉඩ ඇත. නමුත් වෙනත් ග්රහ පිහිටීම් අනුව මෙම තත්ත්වය වෙනස් වීමට පුළුවන.
රාහු අටවැන්නේ නම්
අන් අයගේ මතවලට ගරු නොකරන මොවුන් වැඩිහිටියන් පවසන දෑ කනකට නොගනියි. ඒ, තමා ඔවුන්ට වඩා වැඩි දැන උගත්කමින් යුතු අයකු බව සිතන නිසාය. ඉදිරියේ කළ යුතු කාර්යයන් පිළිබඳ කිසිදු සැලැස්මක් නැති බැවින් ඔවුන් ඒ සඳහා සූදානම් වීමක්ද නැත. ඇසටත්, කනටත් අතර ඔළුලේ කැළලක් ඇතිවේ.
රාහු නවවැන්නේ නම්
රාහු නවයේ සිටි විට වන්දනා ගමන්වල යෙදීමටත් වෙනත් ගමන්වල යෙදීමටත් ප්රිය කරයි. පොතපත පිළිබඳ ඉගෙනීම විභාග ආදියෙන් එතරම් සාර්ථක නොවුණත් පළපුරුදුකම් මත දැනුම දියුණු වෙයි. සිතේ සන්සුන්කම අඩුවිය හැකිය. විවාහක සහකරු හෝ සහකාරියගේ සහෝදර සහෝදරියන් ප්රසිද්ධ අය වනු ඇත. නමුත් ඔවුන් සමග එතරම් සමීප සම්බන්ධතාවක් පවත්වන්නේ නැත.
රාහු දහවැන්නනේ නම්
රාහු දහවැන්නේ සිටී නම් තම මවුපියන්ට කරදර ඇතිවීමට හේතුයි. දේශපාලන කටයුතුවලට සිත යොමුවේ. තම රැකියා ස්ථානයේ ප්රධානීන්ට පවා විරුදධව කටයුතු කරන්නෙකි. ඕනෑම කාර්යයක් නුපුරුදු දෙයක් වුවද හුරු පුරුද අයකු සේ නොපැකිලව කරගෙන යයි. වැඩකටයුතුවලට දක්ෂයකු වෙයි. බලවත් අය තමාගේ පැත්තට හරවාගැනීමට මොවුන්ට ඇත්තේ සුවිශේෂ හැකියාවකි.
රාහු එකොළොස්වැන්නේ නම්
රාහු එකොළොස්වැන්නේ සිටි විට මුදල් ඉපයීමට දක්ෂයෙකි. ධනය ඉපැයීම මොවුන්ගේ මූලික අරමුණයි. පන්ති භේදයකින් තොරව ඕනෑම තරාතිරමක පුද්ගලයන්ව ඇසුරු කිරීමට දක්ෂයෙකි. එමෙන්ම ඔවුන්ගෙන් ඵල ප්රයෝජන ගැනීමටද මොවුන් තුළ ඇති හැකියාව ඉහළය. රැවටිලි වංචාවලට යම් යම් අවස්ථාවලදී හසුවනු ඇත. සමාජ සේවයට කැපකිරීමට කාලයක් මොවුන්ට නැත. එය තම ලාභ අඩුවීමක් සේ මොවුන් දකියි. මේ නිසා අඩුම තරමින් අන් අයට උදව් උපකාර කිරීමක්ද නැත.
රාහු දොළොස්වැන්නේ නම්
ඉගෙනගන්නා කාලයේදී රාහු දශාව ලැබුවේ නම් ඉගෙනීම කඩාකප්පල් වනු ඇත. ජීවිතයේ මුල් කාලයේ ස්ථිරත්වයක් නොමැති වෙයි. කිහිප වරක්ම ස්ථාන මරුකිරීමට සිදුවේ. රැවටිලිවලට පහසුවෙන්ම හසුවෙයි. අගහිඟකම්වලින් හා අඩුපාඩුවලින් ජීවිතය ගතකිරීමට සිදුවෙයි. පියාට අපල ඇතිකරයි. නමුත් රාහු බල සහිතව පිහිටා සිටියහොත් සියලු අසුබ පල දුරුවී සුබ පල ළඟා කරදෙනු ඇත.
ප්රවීණ ජ්යොතිෂවේදී, සත්යජිත් සම්පත්
