තියෙන්නේ කවදා හරි එක දවසක් හරි මුහුදෙන් එහා රටකට පය ගහන්න. කවුරුත් කැමතියි තමන්ගේ උපන් බිමේ ඉඳලා මහන්සි වෙනවට වඩා, තව රටකට ගිහින් අලුත් අත්දැකීමක් ලබන්න, එහෙමත් නැත්නම් අතමිට සරු කරගන්න. හැබැයි ඉතින්, කවුරු කොහොම හිතුවත් හැමෝටම රට යන වාසනාව ලැබෙන්නේ නැහැ. ඕනෑම මනුස්සයෙක් උපදිනකොට අරන් එන ඒ ”ග්රහ සිතියමේ” ඒ කියන්නේ කේන්දරේ, රට යන්න නම් වාසනාව ලියවිලා තියෙන්නම ඕනේ. Sri Lanka Latest News
ජ්යොතිෂය ගැන බලනකොට විදේශ ගමන්වලට මූලිකවම බලපාන්නේ කේන්දරේ 12 වැන්නයි. ඒ වගේම තමයි 7, 9 සහ 10 යන තැන්වලිනුත් අපේ ගමනාන්තය තීන්දු වෙනවා. ඔබේ කේන්දරේ 1 වැන්නෙන් කියන්නේ ඔබ උපන් රට ගැන නම්, 4 වැන්නෙන් කියන්නේ ඔබ ඉන්න තැන ගැනයි. ඉතින් ඒ ස්ථානවල ඉන්න ග්රහයෝ චර රාශිවල වගේ හිටියොත්, ඒ කියන්නේ නිතරම වෙනස් වෙන ස්වභාවයක හිටියොත්, ඔබව උපන් රටෙන් එළියට පටවන්න ඒ ග්රහ බලපෑමට පුළුවන්.
විශේෂයෙන්ම ලග්නාධිපති 7 වැන්නේ පදිංචි වෙලා හිටියොත්, ඒ ජන්මියාට උපන් රටේ ඉන්නවාට වඩා විදේශ රටක ඉන්නයි වාසනාව ලැබෙන්නේ. ඒ විතරක් නෙවෙයි, 4 වැන්නාධිපති ගුරු එක්ක එකතු වෙලා සුබ තැනක හිටියොත්, මුළු ජීවිත කාලයම පිටරටක ගත කරන්න ඒක ප්රබල හේතුවක් වෙනවා. අපි යන වාහනේ පවා ග්රහයෝ තීන්දු කරනවා කිව්වොත් ඔබ පුදුම වේවි. මිථුන, කන්යා වගේ වායෝ රාශි බලවත් වුණොත් ඔබ යන්නේ ගුවන් යානයකින්. මීන වගේ ජල රාශි බලවත් වුණොත් ඔබ නැවක හෝ බෝට්ටුවක නැගලා මුහුදෙන් එතෙර වෙන්නයි වාසනාව තියෙන්නේ.
රට යන ගමන්වලදී රාහුටත් තියෙන්නේ මාර බලයක්. රාහු 3, 6, 8, 11 හෝ 12 යන තැනක හිටියොත්, ඒ ජන්මියා නිතර නිතර විදෙස් සංචාරවල යෙදෙනවා. ඒ වගේම තමයි 7 වැන්නේ රවි උච්ච වෙලා හිටියොත්, විශේෂයෙන්ම තුලා ලග්නය වෙලා රවි මේෂයේ හිටියොත්, ඒක විදේශ රැකියාවකට ලැබෙන සුපිරිම පිහිටීමක්. සමහර අයට විවාහයෙන් පස්සේ රට යන යෝග උදාවෙනවා. ඒ 7 වැන්නාධිපති 12 වැන්නේ පදිංචි වෙලා හිටියොත්. එහෙම වෙලාවට විවාහ වෙන සහකරු හෝ සහකාරිය දැනටමත් රට ඉන්න කෙනෙක් වෙන්නත් ඉඩ තියෙනවා.
හැබැයි ඉතින් කොච්චර යෝග තිබ්බත්, වැඩේ කෙරෙන්නේ නැති වෙලාවලුත් තියෙනවා. අන්න ඒ වෙලාවට තමයි අපි බලන්න ඕනේ 22 වැනි දෙර්කාණාධිපති වගේ අසුබ ග්රහයෝ අපේ රට යන ගමනට වැට කඩොලු බඳිනවාද කියලා. සමහර වෙලාවට සෙනසුරු හෝ ගුරු වගේ මන්දගාමී ග්රහයෝ නිසා ගමන ප්රමාද වෙන්නත් පුළුවන්. ඒ නිසා ඔබේ කේන්දරේ තියෙන මේ ග්රහ බලපෑම් ගැන හරියටම අවබෝධයක් අරගෙන, අසුබ බලපෑම්වලට ශාන්ති කර්මයක් කරගත්තොත්, රට ගිහින් ගොඩයන ඒ රන් දොරටුව ඔබටත් ඉක්මනින්ම විවෘත වේවි.
ජ්යොතිෂවේදී ඔස්මන් පෙරේරා
