2022 සිංහල අලුත් අවුරුදු උදාවට ඇත්තේ තවත් දින කිහිපයකි. ගෙවීගිය වසරවල සිංහල අවුරුද්දට ඔබ, ඔබට සහ ඔබේ පවුලට යහපතක් වේවායි සිතා විවිධ දේ කරන්නට ඇත. කිරි ඉතිරවීම, ජල බඳුනක් රැගෙන තැන්පත් කිරීම, විවිධ පූජා ක්රම ඉටුකිරීම ආදී නොයෙකුත් දේ කිරීමත්, එමගින් ඉදිරි වසර සුබ වේවායි ප්රාර්ථනා කිරීමත් සාමාන්ය ක්රමයයි. එහෙත් එවැනි ක්රම උපායන්ගේ සුබ ප්රතිඵල කෙතරම් දුරට සාර්ථක වූයේද යන්න විමසා බැලීමද වැදගත් වේ.
එහෙත් මේ සියල්ල අභිභවමින් මහා බුද්ධ ශක්තියේ බල ඉතා සූක්ෂ්මව භාවිත කරමින් අවුරුදු නැකැත් උදාවේදී එම ශක්තිය නිවෙසේ ස්ථානගත කර කාටත් රහසේ ඉතා ඉහළ ප්රතිඵල අත්විඳින්නෝ සිටින බව බොහෝ දෙනෙක් නොදන්නවා විය හැකිය. පෙර සඳහන් කළ සියලු කාරණා අභිභවමින් මෙලෙස බුද්ධ මන්ත්ර සහ බුද්ධ බලය තම යහපත උදෙසා භාවිත කිරීම මගින් නිවැසියන්ට කිසිදු අපල උපද්රවයක් සිදු නොවන අතර, ඉතා උසස් ලෙස යහපත උදාකෙරෙන බවත්, වසර පුරාම සෞභාග්යය ළඟාකෙරෙන බවත් බොහෝ දෙනකු අත්දැකීමෙන් පිළිගනියි. එමෙන්ම මෙය ඉතා රහසිගතව සිදුකරන්නට එම කටයුතුවලට හුරු වූවන් ක්රියා කරන බවක්ද පෙනෙන්නට ඇත්තේ එනිසාය.
මෙහිදී ‘සබ්බපාපස්ස’ ගාථා රත්නයට විශේෂ තැනක් හිමිවන අතර එය තඹ පත්රයක ලියා ඔබගේ නිවෙසේ සුදුසු ස්ථානයක තැන්පත් කිරීමෙන් ඉතා ඉහළ ප්රතිඵල අත්විඳින්නට හැකියාව ලැබේ. ඒ සඳහා වඩාත් සුදුසු ස්ථානයක් සොයා පිරිසිදු කොට අවුරුදු නැකැතින් තැන්පත් කර ගැනීම යහපත් වන අතර ඔබට මෙය ඉතා අලංකාර අයුරින් කළ හැකි නම් ප්රතිඵල තවත් වර්ධනය කෙරෙනු ඇත. අවශ්ය වන්නේ ඉතා විශ්වාසවන්තව මෙය ඉටුකිරීමය. ප්රතිඵල දිනෙන් දින ඔබටම බලාගත හැකි වනු ඇත.
ජ්යොකිෂවේදී ජයශ්රී නන්ද කුමාර