ඊයේ රෑ දැකපු සිහිනය මතකද? සාමාන්යයෙන් හීනයක් දැක්කම පහුවදාට ඒ හීනය ගැන පැහැදිලි මතකයක් නැති වීම සාමාන්ය දෙයක්. නමුත් සමහර හීන තියෙනවා එළිවුණු වෙලාවේ සිට හිතට වද දෙනවා. භයංකර සිහිනයක් හෝ සුන්දර සිහිනයක් වුවත් දැක්කම හීනයක් දැක්කෙ ඇයි කියන දේ හිතට තදින්ම කාවදිනවා. එළිවුණු වෙලාවේ සිට ගෙදර අය එක්ක ඒ හීනය ගැන කතා කර කර හීන අනාවැකි අහන්නත් අපිට පුරුද්දක් තියෙනවා. එක එක අය එක එක අනාවැකි කිව්වත් සිහින පලාපල යනු අනාදිමත් කාලයක සිට පැවත එන විෂයක්. ඒ අතර සිදුහත් කුමරුගේ පිළිසිඳගැනීම පිළිබඳ යශෝධරාව දුටු සිහිනයත්, කොසොල් රජුගේ සිහින දොළහත් අප අතර කාගේත් පිළිගැනීමට ලක්වෙලා තිබෙනවා. එම නිසා හැම සිහිනයකම අපට නොතේරෙන කතාවක් සැඟවිලා තිබෙනවා. දකින හැම සිහිනයක්ම ඔබේ අනාගතය ගැන කුමක් හෝ අනාවැකියක් කියනවා. ඒ නිසා අපේ මේ සිහින පලාපල ලිපි පෙළ ඔබට ලොකු අස්වැසිල්ලක් වෙනවා නියතයි.
ඒදණ්ඩක් මත අත් අල්ලාගෙන ගමන් කරන කාන්තාවන් පිරිසක් සිහිනෙන් දුටුවොත් ස්ත්රීන්ගෙන් උපකාර ලැබෙන අතර අධික වියදම් අඩු වෙයි.
ගරාවැටුණු නිවෙසක රැයක් ගතකරනවා සිහිනයෙන් දකී නම් නොසිතූ ලෙස අධික වියදම් ඇති වෙයි.
රෙදිපිළි ඇති සාප්පු තුළ මොනරු රැසක් ඒ මේ අත දුවනවා සිහිනෙන් දකීනම් අලුත් ඇඳුම් තෑගි ලැබෙයි.
සියඹලා ගසක් මුලදී ගසේ කොළ සියල්ල ගැලවී බිම වැටෙනවා සිහිනයෙන් දැක්කොත් අමනුෂ්ය දෝෂ ඇතිවෙයි.
මලකඩ කෑ වාහනයක් මඩ වගුරක තිබී ගොඩගන්නවා දකින සිහිනය තමන්ගේ ජනප්රිය බව අඩු කිරීමට හේතුවෙයි.
කොණ්ඩය කපන විට එම කතුරෙන් කන කැපෙනවා සිහිනයෙන් දුටුවා නම් අඹු-සැමි ගැටුම්කාරී තත්ත්වයක නිමිත්තකි.
කුඩා ළමයකු සේ නැවත පාසල් යනවා සිහිනයෙන් දුටුවොත් තරග ජයක් හිමිවෙයි.
ගෙදර මුළුතැන්ගෙයි වතුර කළගෙඩියේ වතුර වෙනුවට ලේ වැනි යමක් තිබෙනවා දකින සිහිනය නිසා මාරක අනතුරකට මුහුණපෑමට අවදානම් ඇති වෙයි.
වැසි ජලය ගේ මැදින් ගලනවා සිහිනයෙන් දකීනම් පාළුවට ගිය භූමියක වාසය කිරීමට සිදුවන බවට ඉඟියකි.
නිවෙසේ තිබෙන පරණ පොතපතට වේයන්, හුඹස් බැඳ තිබේ නම් ඒ සිහිනය නිසා නින්දා අපහාස ඇති කරයි.
කිතුල් ගසක තිබෙන විශාල කිතුල් මලක් කඩාගෙන වැටෙනවා සිහිනයෙන් දුටුවිට ගමේ අය අතර තිබූ සමගිය අඩු වී සතුරන් ඇති වෙයි.
පාරේ ගමන් කරන විට තමන් අසලට විශාල ගසක් කඩා වැටෙනවා සිහිනෙන් දුටුවොත් කවුරු හෝ වංචාවක් කර තම දේපොළ හෝ ඉඩම් ලබාගනී,
කතා කරමින් සිටින විට උඩ ඇන්දේ දතක් ගැලවී බිමට වැටෙනවා සිහිනෙන් දකීනම් පිට ගමකදී විශාල නින්දාවකට පත්වී නීතියේ රැහැනටද හසුවෙයි.
තම කොණ්ඩය දිගට වැටී තිබෙනවා සිහිනෙන් දුටුවොත් කෙටි කලකදී මිතුරන්ගෙන් උදව් ලැබෙයි.
ජ්යොතිෂවේදී අනුර ඒකනායක