2026 ජූලි 10 දින පාර්ලිමේන්තුවට ඉදිරිපත් කරන ලද රාජ්ය මුදල් කාරක සභාවේ වාර්තාව මඟින් අනාවරණය කර ඇත්තේ 2025 නොවැම්බර් සිට 2026 ජනවාරි දක්වා කාලය තුළ ඔස්ට්රේලියාව වෙත ගෙවිය යුතු විදේශ ණය වාරිකය සම්බන්ධයෙන් සිදුවූ සයිබර් වංචාවක් නිසා ඇ. ඩොලර් මි. 2.5ක රාජ්ය ආදායමක් අහිමිව ශ්රී ලංකාවට විදේශ ණය හිගයක් ඇතිව තිබෙන බවත් කාරක සභාව තවදුරටත් සඳහන් කර ඇත්තේ මෙය හුදෙක් තාක්ෂණික දෝෂයක් නොව පාලන ක්රියාපටිපාටි සහ මෙහෙයුම් මට්ටම්වල පැවැති පද්ධතිමය දුර්වලතා හා අභ්යන්තර පාලන අසාර්ථකත්වයන්ගේ ප්රතිඵලයක් බවට බැවින් මේ සම්බන්ධයෙන් රජයෙන් ප්රශ්න කරන බවත් විපක්ෂ නායක සජිත් ප්රේමදාස මහතා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද පාර්ලිමේන්තුවේදී ස්ථාවර නියෝග 27 (2) යටතේ ප්රශ්න කරමිනි.
රජයේ මුදල් පිළිබද කාරක සභාව විසින් මෙම සිදුවීම පාලන කටයුතු හා මෙහෙයුම් ක්රියාවලියේ පද්ධතිමය අසාර්ථකත්වයක් ලෙස හඳුනා ගැනීම රජය පිළිගන්නේද කියා ප්රශ්න කරන බවත් මෙම සිදුවීමෙන් අහිමි වූ ඇ. ඩොලර්. මි. 2.5ක මුදල නැවත අය කර ගැනීම සඳහා ගෙන ඇති නීතිමය මූල්යමය හා ජාත්යන්තර ක්රියාමාර්ග ඉදිරිපත් කරන ලෙසත් එහි වත්මන් ප්රගතිය ඉදිරිපත් කරන ලෙසත් විපක්ෂ නායකවරයා පැවසීය.
මේ අහිමි වූ මුදල් නැවත ගෙවන්නේ ජනතා බදු මුදලින්ද?
මේ අහිමි වූ මුදල් නැවත ගෙවන්නේ බදු මුදල් ගෙවන ජනතාවගේ මුදලින් ද කියා දැන ගැනීමට අවශ්ය බවත් මහබැංකුව විසින් 2025 නොවැම්බර් 26 දින ණය හිමියාගේ ගිණුම් විස්තර සැක සහිත බවට ලිඛිතව අනතුරු අගවා තිබිය දී මුදල් අමාත්යාංශය සැබෑ ණයහිමියා වෙනුවට වංචාකරුවන්ගෙන් ගිණුම් විස්තර තහවුරු කළ පදනම ඉදිරිපත් කරන ලෙසත් මෙයට දේශපාලන හා පරිපාලන වගකීම බාර ගන්නේ කවුද කියා දැන ගැනීමට අවශ්ය බවත් විපක්ෂ නායකවරයා පැවසීය.
මේ සම්බන්ධයෙන් වගකිවයුතු පාර්ශ්වයන්ට ගත් විනය ක්රියාමාර්ග කවරේද?
ජේ.පී. මෝගන් එකේ වංචා හදුනා ගැනීමේ කණ්ඩායම වංචා අවදානම ගැන අනතුරු අගවා තිබියදී තවත් ගෙවීමක් සිදු කළේ කොහොමද කියා ඉදිරිපත් කර ලෙසත් මේ සදහා වගකිවයුතු පාර්ශ්ව ඉදිරිපත් කරන ලෙසත් ඔස්ට්රේලියාව ගෙවිය යුතු රාජ්ය ණය මුදල් අරාබි එමීරට්ස් හි පුද්ගලික සමාගම් වෙත යොමු වූ විට ප්රතිලාභියාගේ නම පවා සංසන්දනය නොකර ගෙවීම අනුමත කළ නිලධාරීන්ට ගෙන ඇති විනය ක්රියාමාර්ග ඉදිරිපත් කරන ලෙසත් මේ සම්බන්ධයෙන් අනතුරු අගවා තිබිය දී ගෙවීම් නතර නොකිරීම රාජ්ය මුදල් ආරක්ෂා කිරීමේ වගකීම පැහැර හැරීමක් බවත් විපක්ෂ නායකවරයා පැවසීය.
රාජ්ය මුදල් පිළිබද කාරක සභාවේ නිර්දේශ ක්රියාත්මක නොකරන්නේ ඇයි?
මුදල් කාරක සභා වාර්තාවට අනුව රාජ්ය ණය කළමනාකරණ කාර්යාලය සංක්රාන්තිය සදහා වන ක්රියාමාර්ග නොතිබූ බව පිළිගන්නේද කියා ප්රශ්න කළ විපක්ෂ නායකවරයා මේ අසාර්ථකත්වයට වන වගකීම බාර ගන්නේ කවුද කියා ඉදිරිපත් කරන ලෙසත් රාජ්ය මුදල් පිළිබද කාරක සභාව හා ජාතික විගණන කාර්යාලය මගින් විදේශ ණය ගෙවීමට අදාළ විශේෂ විගණනයක් පැවැත්වීම සහ රාජ්ය මුල්ය රෙගුලාසි කඩිනමින් සංශෝධනය නිර්දේශ කර තිබියදී ඒ නිර්දේශ ක්රියාත්මක කිරීමට ගෙන ඇති පියවර ඉදිරිපත් කරන ලෙසත් විපක්ෂ නායකවරයා පැවසීය.
රාජ්ය ණය දෙපාර්තමේන්තුව රාජ්ය ණය කළමනාකරණ ආයතනයට මාරුවන විට නිවැරදි ක්රමවේද අනුගමනය නොකිරීම මෙයට හේතුවයි
මුදල් කාරක සභා වාර්තාව අනුව සංක්රාන්තික කාලය තුළ නිසි ක්රමවේද සකස් නොවීම මෙයට හේතුව බවත් 2024 අංක 33 දරන රාජ්ය ණය කළමනාකරණ පනත හරහා රාජ්ය ණය දෙපාර්තමේන්තුව රාජ්ය ණය කළමනාකරණ ආයතනයට මාරුවන විට නිවැරදි ක්රමවේද අනුගමනය නොකිරීම මෙයට හේතුව බවත් ඒ නිසා රටට ඩොලර් ලක්ෂ 25ක් අහිමිවූ බවත් විපක්ෂ නායකවරයා වැඩිදුරටත් පැවසීය.
