නාඩි ජ්යොතිෂයට අනුව ජනවාරි මාසයේ උපන් ඔබට ඉදිරි සතිය (ජන. 18 – ජන. 25) කෙසේ ගතවේද යන්න විමසා බලමු. කුජ ග්රහයාගෙන් පටන්ගෙන කේතු ග්රහයාගෙන් අවසන් වන මෙම සතිය ඉතා උද්යෝගී අවස්ථාවක් ලෙස සඳහන් කළ හැකිය.Sri Lanka Latest News
ඔබගේ එදිනෙදා ජීවිතය, ආර්ථිකය, අධ්යාපනය, රැකියාව හා සෞඛ්ය තත්ත්වය පිළිබඳ අප මෙහිදී සාකච්ඡා කර බලමු.
ගෘහ ජීවිතය හා සමාජ සම්බන්ධතා පිළිබඳ සලකා බැලීමේදී තරමක ගැටුම්කාරී ස්වභාවයක් ඇතිවීමට ඉඩකඩ පවතින බැවින් ඒ පිළිබඳ ප්රවේශම්කාරී වන්න. වචනයට වඩා ඔබගේ ක්රියාව බලගැන්වෙන සතියක් බැවින් සෑම විටම ඉවසීම ප්රගුණ කිරීම ඉතා යහපත්ය. නමුත් මෙම තත්ත්වය සතියේ අවසානයත් සමගම පහව යයි. ගැටුම්කාරී තත්ත්ව පාලනය කරගනිමින් කටයුතු කළහොත් ඔබට වෙනදාට නැති ජවයකින් තමාගේ වැඩකටයුතු කරගෙන යෑමට හැකියාව ලැබේ. අවසන් නොකළ යම් යම් කාර්යයන් ඇත්නම් ඒවා සාර්ථකව අවසන් කරගැනීමට හැකියාව ලැබේ.
ආර්ථිකය තරමක ස්ථාවර මට්ටමකින් පවත්වා ගැනීමට හැකියාව ලැබේ. අයවැය සමබරව පවත්වා ගනිමින් කටයුතු කිරීමට හැකියාව ඇත. සතිය මැදදී යම් වියදම් ප්රමාණයක් දැරීමට සිදුවුවද බුද්ධිමත්ව කටයුතු කිරීම තුළින් ඒවා මධ්යස්ථව පවත්වා ගැනීමට හැකිවේ. නව ව්යාපාරික අවස්ථාවන්ට මංපෙත් විවර වන කාලවකවානුවකි. ඒවායින් ප්රයෝජන ගැනීමට කටයුතු කරනවා නම් ඉතා යහපත්ය.
අධ්යාපන කටයුතුවලට යහපත් කාලයකි. ලිවීමට දක්ෂ පුද්ගලයන් හට නව අදහස් පහළ වන කාලයකි. නව කෘතීන් එළිදැක්වීමට යහපත්ය. ඒවා පහසුවෙන්ම ජනතාව අතරට රැගෙන යෑමට හැකියාව උදාවේ. ලිඛිත තරග විභාග ආදියට මුහුණ දෙන ජනවාරි උපන් ඔබට ඒවායින් ජය අත්වේ. සිත සමාධිමත් කරගෙන ඒවාට නොබියව මුහුණ දෙන්න. ඔබගේ දරුවන්ගේ ජයග්රහණද මෙම කාලවකවානුවේදී අපේක්ෂා කළ හැකිය. තරමක් දුරට උසස් අධ්යාපන කටයුතු සඳහා නම් බාධා ඇතිවිය හැකිය. ශාස්ත්රීය අධ්යාපනයන්, ගුප්ත ශාස්ත්රයන් ආදිය හදාරන ඔබට ඉතා යහපත් කාලයක් වේ.
රැකියාවේ සහ වෘත්තීය ජීවිතය තුළදී යම් ඉවසිලිවන්ත ස්වභාවයකින් කටයුතු කරනවා නම් ඉතා සුදුසුයි. ඔබගේ ක්රියාශීලීත්වය අන්යයන් තුළ ප්රශ්නාර්ථයක් ඇතිකළ හැකිය. ප්රධානීන් සමග වාද විවාදවලට නොපැටලී කටයුතු කිරීමට වගබලා ගතයුතු වේ. කුජ ග්රහයා ඔබට සතිය මුල සිටම වේගවත් කරවීමක් සිදුකරන බැවින් ප්රවේශම නුවණට හුරු වේ.
සෞඛ්ය ආශ්රිතව සැලකිය යුතු අයහපත් තත්ත්වයක් ඇති නොවන අතර, සමේ රෝග හෝ රුධිරය ආශ්රිත සුළු ආසාත්මිකතා ඇතිවීමට පුළුවන. ඒවා සමනය කරගැනීම උදෙසා ආහාරපාන ගැනීමේදී ප්රවේශම් විය යුතුය.
මනෝලි බණ්ඩාර
(නාඩි ජ්යොතිෂවේදිනී)
0779834889
