වස වගේ විෂ ඇස්වහ කටවහ

ඇස්වහ – කටවහ යනු එක්තරා ආකාරයකට වස විසටත් වඩා ප්‍රබල විනාශකාරී දෙයකි. මෙමඟින් බොහෝමයක් දේ විනාශ කිරීමේ සහ අභාවයට යැවීමේ හැකියාව ඇති අතර, ඇතැම් විට මිනිසුන් සතුන් පවා සිටි හැටියේ වනසා දමන්නට තරම් ඇස්වහ – කටවහ ප්‍රබල වේ. ඇස්වහ වැදුණු විට එය ඉතා සුළු මොහොතකදී ක්‍රියාත්මක වෙයි. ඒ බව පිටතට පෙන්නුම් කරයි. ඇතැම් විට ඇස්වහට, කටවහට නතු වූ පලතුරු නම් වහා කුණු වේ. පෙර තිබූ රසය නැති වී යයි. තැඹිලි, පොල්, වැනි දෙය වුවද පිපිරී වතුර වැක්කෙරේ.

යම් අයහපත් මනුෂ්‍යයකු යමක් දෙස බැලීමත් තමන් සම්බන්ධව යම් ප්‍රකාශ කිරීමත් හෝ දැන සුසුම් ලෑමත් තුළින් ඉහත කී දෝෂ හටගනී. විශේෂයෙන් දරුවන්ට, ළදරුවන්ට රන් පැහැ බිබිලි දැමීම, ශරීරය වණ වීම, නිතර අසනීප වීම ආදිය මේ හේතුවෙන් සිදුවේ.

මේ සඳහා සාමාන්‍යයෙන් දෙහි කැපීම, වතුර කළයක් මැතිරීම, කුඩා දරුවන්ගේ නළලේ කැපී පෙනෙන සේ තිලක තැබීම, මුහුණේ කැපී පෙනෙන සේ තිලක තැබීම, මුහුණේ කැපී පෙනෙන සේ කළු තිතක් තැබීම, සෙත් පිරිත් කීම, අලුතින් සාදන නිවෙසක නම් පඹයෙක් එල්ලීම, පුහුලක් එල්ලීම, විකාර රූපයක් එල්ලීම, වීදුරුවල විකාර රූප ඇඳීම, මිරිස් පුච්චා දුම් ඇල්ලීම වැනි දේ සිදුකරති.

මෙම දෝෂයන්හි සුවිශේෂත්වය වනුයේ මේවා නවීන විiාවට ගෝචර නොවීමය. එහෙත් දේහ ලක්‍ෂණ විiාවේ උක්ත දෝෂ සහිත පුද්ගලයන්ගේ ගත ලකුණු මෙසේ සඳහන් කර ඇත.
බොල්ලෑ දත් සහිත දත් අතර, හිදැස් බහුල අක්‍රමවත් ලෙස දත් පිහිටා ඇති විශාල මුඛයකට සහ තොල්වලට හිමිකම් කියන, කට දෙකොන පැළී කට දෙකොන කෙළ රැඳෙන, කතා කරන විට කෙළ විසික්වන, කටින් දුර්ගන්ධය වහනය වන, අත්‍යවශ්‍ය ලෙස කටට කෙළ වැඩියෙන් උනන, පිටතට නෙරූ විශාල ඇස් ඇති තමාට අයිති නැති දේට කට දමන, ඉතාම වාචාල කටකාරී, අනුන්ගේ කතාවලට බලෙන් මැදිහත් වන, දිවෙහි කළු ලප හෝ කළු තිත් සහිත තොල්, කළු පැහැයකට කළු මුඛය, අවට ඉන්නන් සිටින ඇසින් කඳුළු ගලන යන ලක්‍ෂණ සහිත පුද්ගලයන් යනුවෙනි. මෙකී ලකුණු ස්ත්‍රී, පුරුෂ දෙපාර්ශ්වයටම සාධාරණය.

ඇස්වහ යනු නරක සිතින් යුතුව යමක් ඇස ගැටීමකි. කටවහ යනු නරක සිතින් යුතුව යම් වචන භාවිතයක්ය. හෝවහ වග යනු දූෂිත සිහින් යුතුව හීල්ලීමක් ඇඬෝවැඩියාව යනු කලකිරීමෙන් යුතුව වැළපීම, තැවීම් හෙවත් පශ්චාත්තාප වීමත්ය. එපමණක් නොව අනුන්ගේ වත් පොහොසත්කම් හැකියාවන් දක්‍ෂතාවන් බලා හීල්ලීම්, සුසුම්ලෑම අඬෝවැඩියාවයි.

සිත් සංකා දෝෂය ගත්කල මෙය අන් අයට නොවදී. එය තමාටම පැමිණේ. සිත් සංකා දෝෂය සහිත වූවන්ගේ සිත් ශෝකයෙන් බියෙන් යුතුය. කොටින්ම කියතොත් සිත ලෙඩ වී ඇත.
මෙවැන්නවුන් කිසිදා සෑහීමකට පත් නොවේ. තමාට පමණක් තිබිය යුතුය යන්න නිතර සිතයි.
තමාගේ වාසිය ගැනම සිතා එහිම පිහිටා කටයුතු කරයි.

කෙසේ වෙතත් ඇස්වහ කටවහ නිසා බොහෝ විට තුන්දෝෂ කිපේ. ශරීරය ලෞකික වේ. මේ සඳහා ප්‍රතිකර්ම සඳහා කෙම්ක්‍රම ගණනාවක් පැරැණි පොත්පත්වල සඳහන් වන්නේ මෙසේය.
කතා නොකර ළිපේ අළු හෝ වළඳක දැලි මුහුණේ තවරා ගැනීම.

පලතුරු ගසක් නම් ගෙඩි කඩා දෙකට තුනට පලා ගස මුල විසුරුවා හැරීම.
අලුයම කපුටන් හැඬීමට කලින් කතා නොකර වතුර කළයක් ගෙන ඇට ඇටි පස් වර්ගයද, කොළ නවයකට නොඅඩු නිරෝගී දෙහි අත්තක්ද, ගෙන ගුප්ත ශාස්ත්‍රය හොඳින් දත් අයකු ලවා මතුරුවා එම ජලය ස්නානය කිරීම හා අවසානයේ ජලය නොපිහිදා ඇඟටම වේළෙන්නට හැරීම අවසානයේ හිස් කළය කිරි ගසක ගසා බිඳ දැමීම.

එළකිරි ඉතිරවීම, මෙහිදී කිරි ඉතිරෙන විට ඇස්වහ කටවහ කළු දුඹුරු පැහැයට පිලිස්සෙනු දැකිය හැකිය.

ඔබත් හැකි උපරිමයෙන් ඇස්වහ කටවහවලින් මිදී සිටීමට උත්සාහ ගන්න. එය ඔබගේ යහපතට හේතු වෙයි. එවැනි අත්දැකීමක් ඔබටද විඳින්නට සිදුවුවහොත් ඉහත දැක්වූ කෙම් ක්‍රමයකින් එහි ඇස්වහ කටවහ දෝෂ දුරු කරගන්නට උනන්දු වන්න.
ජ්‍යොතිෂවේදී මහේන්ද්‍ර පල්ලෙබැද්ද