විවාහයෙන් පසුව සියලුම දෙනා බලාපොරොත්තු වන්නේ දරු සිඟිත්තෙක් පවුලට එකතු කරගෙන සතුටෙන් ජීවත් වන්න. එය එසේ වුවත් දරුවන් නැතිව දුකින් ළතවෙන විවාහක පිරිස කොතරමි අප රට තුළ සිටිනවාද? එයට සහනයක් ලබාදීමේ සිතුවිල්ල පෙරදැරිව සකස් කර ඉදිරිපත් කරන ලදී.
පුවපල් නැකැත පවතින දිනයක උදේ 06.00ත් 07.00ත් අතර කතානොකර ගොස් හොදින් පල හැදෙන අඹ ගසක නැඟෙනහිරත්, උතුරත් අතර ඇති අඹ මුල් ගලවාගෙන හොඳින් පිරිසිදුවට වේලා කුඩුකර රැගෙන මේස හැන්දක් වතුර නොදැමූ එළකිරි හෝ එළුකිරි කාලකට දමා සූකිරිද මේස හැන්දක් සමගින් හොඳින් කලවම් කර උදේම හිස්බඩ බොන්න. දරුවන් ස්ථිරවම ලැබෙන්නේය. මාසික ඔසප් දිනයෙන් දින 03කට පසු සිට පානය කරන්න සරුදින 14 තුළ අටවක රිටිටා අමාවක අඟහරුවාදා පසළොස්වක දිනවල දහවල් 12.00ට සවස 06.00ට උදේ 06.00ට සහ රාත්රී 12.00ට දෙදෙනාම මනස හා සිරුර ඉතාම පිරිසිදුව තබාගනිමින් කායිකව එක්වීම යහපත් දරුවන් ලැබීමට හේතු වන්නේය.
මෙම ඉහත සඳහන් අයුරින් කායිකව එක් වන්නට පෙර දින 03ක් බෝධි පූජාවන් තැබීමට පිරිසිදුව, නොයිඳුල්ව එළකිරිවලින් සාදන ලද කිරි බත් කෑලි 09ක් කැමැති අයුරින් මල්, පැන්, ගිලන්පස, දැහැත්, හඳුන්කූරු රැගෙන ගොස් බෝධිය වටේ ඇමද පිරිසිදුකර උදේ 03.00ත් 04.00ත් තැබූ පූජා සියල්ල බුදු පියාණන්ට තමා දන්නා අයුරින් ගාථා කියා පූජාකොට හැකි නම්, ධජග්ග පිරිතද කියා සියලු දෙවියන්ට පිං පමුණුවා මෙසේ ඇයැද සිටින්න. මෙම බෝධි වෘක්ෂයට අරක්ගෙන මනුසත් කයක් ලැබීමට බලාපොරොත්තුවෙන් පැමිණ සිටින යම් දේවතාවියක් හෝ දේවතාවෙක් සිටින්නේ නම් මම එම දේවතාවියට හෝ දේවතාවාට ඉතාම සතුටින් මවක් වන්නට කැමැති බැවින් මාගේ කුසේ පිළිසිඳ ගන්නා මෙන් පිං දීමෙන් යුතුව ආරාධනා කරන්නෙමි යනුවෙන් ශබ්ද නඟා බෝධිය දෙසට නෙත් යොමා 07වරක් කියන්න. මෙසේ එක දිගටම දින 03ක් කරන්න. එසේම දෙදෙනාම පූජාවට යනවා නම් ඉතාම යහපත් වේ. සැමියාටද පෙර සඳහන් පරිදි පියකු වන බවට දෙවියන්ට ආරාධනා කරනවා නම් ඉතාම යහපත් පල අත්වන්නේය.
එලෙසම දෙදෙනා කායිකව එක්වන්නට පෙර බෝධිය ළඟදී කළ ආරාධනාව නැවත සිහිගන්වමින් පෙර සඳහන් කළ වේලාවන් තුළ කායිකව එක්වන්න.
සෘග් වේදයේ මන්ත්ර දෙකක් බිරියට සහ සැමියාට පහත සඳහන් කරන අතර, එය ඉතාමත් භක්තියෙන් දෙදෙනාම ඉතා පිරිසිදු සිතින් යුතුව කිවහොත් නිසැකවම ඉතා සුපින්වත් දරුවන් ලබන්නේය.
සැමියා කියවිය යුතු මන්ත්රය
ඕමි පරං බ්රහ්ම පරමාත් මනේ
ගර්භේ දීර්ඝ ජීවී සුතං
කුරු කුරු ස්වාහා
(හිස් තැනට බිරිඳගේ නම කියන්න)
දිනකට 108 වරක් වරහන් තුළට බිරියගේ නම කියා මන්ත්රය කියන්න. රහමෙර හා යව සූත්ර මාංශවලින් වැළකී දිනපතා රාත්රී කියවන්න.
බිරිය කියවිය යුතු මන්ත්රය
මනො මහාන්ත මෘත මානො
අර් භකං මාන උක්ෂන්ත මෘත මානා උක්ෂිතං
මනෝවධිඃ පිතරං මොත මාතරං
ප්රීයාමා නස්තනුවෝ රුද්ර රිරීෂඃ
දිනකට 16 වරක් ගව සූකර මාන්සවලින් වැළකී දිනපතා රාත්රී කියවන්න.
ඉහත සඳහන් දෑ කරන කාලය තුළම ඉතා හොඳින් සුබ ගණ පිහිටවා ශ්රී විෂ්ණු කතරගම දෙවියන්ට ඔබ දෙදෙනාගේ උපන් ලග්නයට හා නැකතට අනුව නිවැරැදි ගණ පිහිටුවා සෙත් කවි දෙකක් කියවීමද කළහොත් තවත් ඉක්මනින් දරුපල ලබන්නට වාසනාව හිමිවන්නේ ඔබත් පුදුම කරමිනි.
ආචාර්ය ජී.ජී. කේමන් කුලසිරි