දරුපල ලබාදෙන බෙලි පැළගේ ගුරුකම

විවාහක අඹු සැමි යුවළකගේ සුන්දරම සිහිනය වනුයේ තම දරුවකුගේ කිරි සිහින දැකීමය. ඒ සිහිනය සැබෑ කරගන්නට බහුතරයක් අඹු සැමියන්ට හේතු වාසනා ඇතත් බොහෝ පිරිසකට එම වාසනාව අහිමිව දුකින් පසුවනු දැකිය හැකිය. මේ තත්ත්වය වර්තමානයේ වැඩිපුර දක්නට ලැබුණද අතීතයේ එවැනි අවස්ථා දක්නට ලැබී ඇත්තේ අතලොස්සකි. ඊට හේතුව අතීතයේ ජීවත්වූ පිරිස් විවිධ ගුප්ත පිළිවෙත් මඟින් දරුපල ලැබීමේ ශක්තිය වර්ධනය කරගනිමින් දරුවකු ලබාගැනීමයි.

එලෙස අතීතයේ විසූ ඍෂිවරුන් පැවසූ විවිධ කෙම් ක්‍රම සහ ගුරුකම් අතර ප්‍රධාන තැනක් ගන්නා කරුණක් ලෙස බෙලි පැළයේ ගුප්ත කෙම් ක්‍රමය හඳුන්වා දිය හැකිය. ඒ අනුව දරුවකු බලාපොරොත්තුවෙන් විවාහක යුවළක් වාසය කරන නිවස පිහිටි ගෙවත්තේ බෙලි පැළයක් සිටුවා ඊට හොඳින් සාත්තු කිරීම තුළින් නව යුවතිපතීන්ට ඉක්මනින් දරු සුරතල් බැලීමේ වාසනාව හිමිවෙන බව පැවැසේ. එමගින් අඹු සැමි යුවළට දරුපල ලබා දීමට ගුප්ත බලයක් සපයන අතරම මවටත් දරුවාටත් ගුප්ත ආරක්ෂාවක් ලබාදෙන බවද ඍෂිවරුන්ගේ මතයයි.

බෙලි පැළයක් සිටුවීම උසස් ගණයේ පින්කමක් සේ සැලකෙන අතර බෙලි ගසක් නිතර ඇස ගැටීමෙන් මනසට මෙන්ම ඇසටද සිසිලක් දනවන බව රහසක් නොවේ. සෑම දිනකම සිතේ නැවුම් බව ආරක්ෂා කරන්නට බෙලි ගසකට හැකියාව ඇති බවද කවුරුත් පිළිගන්නා රහසකි. ඒ අනුව දරුපල අපේක්ෂා කරන වර්තමාන අඹු සැමියන්ටද සිය ගෙවත්තේ බෙලි පැළයක් සිටුවා සාත්තු කළහොත් වෙනස අත්විඳින්නට හැකිවනු නිසැකය.
පොතපත ඇසුරින්