ඕනෑම පුද්ගලයකු නිසි වයසට එළඹීමත් සමග ඒ ඒ අයගේ දැනුම තේරුම අනුව දැනෙන සහ සිතන මූලිකම අවශ්යතා අතර ප්රධාන තැනක් ගන්නා කාරණයක් ලෙස නිවෙසක අවශ්යතාව හඳුන්වා දිය හැකිය. මන්ද මෙලොව එළිය දකින බහුතරයක් දෙනා සමාජ පැවැත්මට දායක වන්නන් ලෙස නිසි වයසේදී විවාහයක් කරගෙන, ඉන් පසු සිය පරම්පරාව, පවුල මෙන්ම සමාජයද වර්ධනයට කටයුතු කිරීම සාමාන්ය ක්රමවේදයයි. එහිදී සෑම කෙනකුගේම සිහිනයක් වන්නේ තමන්ටම කියා නිවෙසක් ඉදිකර ගැනීමයි.
මෙහිදී බොහෝ පිරිසක් තමන් සතුව ඇති ඉඩමක අලුතින් නිවෙසක් ඉදිකරන්නට කටයුතු කරනු දැකිය හැකි අතර තවත් පිරිසක් අලතින් ඉඩම් කැබැල්ලක් මිලට ගෙන නිවෙසක් ඉදිකරනු දැකිය හැකිය. මේ කුමන ආකාරයකට කටයුතු කළද වර්තමානයේ ඇති ආර්ථික අපහසුතා හේතුවෙන් මුදල් වියදම් සීමා කළයුතු තත්ත්වයකට පත්ව ඇති බව පෙනෙන්නට තිබේ. මේ හේතුව නිසාම විවිධ අත්යාවශ්ය කාරණා අතපසු කෙරෙන බවකුත් පෙනෙන්නට තිබේ. එනිසා නිවෙසක් ඉදිකිරීමේ අදහස පහළ වූ මොහොතේ සිටම කෙනකු ඉතා බුද්ධිමත්ව සිතා තින්දු තීරණ ගත යුතුය. එසේ නොවුණහොත් තමන් මහන්සියෙන් ඉදිකරගත් නිවෙසේ වාසය කිරීම ගැටලුසහගත විය හැකිය.
සූර්යයා මිථුන, ධනු, මීන, රාශි හරහා ගමන් කරන කාලසීමාව කෝණ මාස ලෙසිනුයි හඳුන්වන්නේ. එනිසා ගෙයක් හදනකොට මෙම මාස අත්හරින්නම ඕනෙ. ඊට පසුව වඩාත් සුබ දිනයකුයි වැඩකටයුතු ආරම්භයට යොදාගත යුත්තේ. සතියේ ඉරිදා, අඟහරුවාදා, සෙනසුරාදා අතහැරලා වැඩ ආරම්භ කළොත් ඉතාමත් යෝග්යයි. ඊළඟ කාරණය තමයි නැකැත් 27 එයින් නිවාස කටයුතු සඳහා සුදුසු වන්නේ නැකැත් 17යි.
ඉතින් එහෙම සුබ නැකැත් අතරින් තෝරාගත යුත්තේද ගෙදර ගෘහ මූලිකයාගේ උපන් නැකැතට සීහෙන නැකැතක්ම පමණයි. ඒ වගේම ගෙදර පදිංචි වන සියලු දෙනාගේ උපන් නැකැත්වලට සීහෙන නැකැතක් සොයාගත හැකි නම් එය ඉතාමත් හොඳයි.
එහිදී චන්ද්ර මාස ක්රමය අනුව එක චන්ද්ර මාසයකට පුර තිථි 15 සහ අව තිථි 15 තිබෙනවා. මේවායින් 4,9,14 තිථි රිට්ටා ලෙස හඳුන්වනවා. රිට්ටා තිථි පවතින වෙලාවක නිවෙසක වැඩ ආම්භ කරලා අවසන් කරන්න බැරිවෙනවා. එහිදී නිවාස ඇරඹීමට සුබම තිථි වන්නේ 2,3,5,7,10,11,12,13යි.
මේ කටයුත්තේදී යෝග ගැනත් අවධානය යොමු කරන්නම අවශ්යයි. එනිසා ඍෂිවරු හඳුන්වා දුන් යෝග 27 අතරින් විෂ්කම්භ, අතිගණ්ඩ, ශුල ගණ්ඩ, ධම ව්යාඝාත, වජ්ර ව්යාතිපාත, පරිඝ වෛධති යන යෝග කිසිම සුබ කටයුත්තකට සුදුසු නැහැ.
ඊළඟ කාරණා ගැනත් සැලකීම වටිනවා. එහිදී කාරණා 11න් විෂ්ටි, ශකුණ, චතුස්පාද, නාග කිංස්තුංග යන කාරණා මඟහරින්න පුළුවන් නම් වඩාත් හොඳයි.
මෙවැනි කාරණා රාශියක් ජ්යොතිෂයට අනුව නිවෙසක වැඩ ආරම්භයට වගේම ඕනෑම සුබ වැඩකදී සොයාබැලිය යුතු වෙනවා. බැලූ බැල්මට සරලයි වගේ සිතුණත් මේ සියලු කාරණාවලින් කෙරෙන බලපෑම ඉහළයි. ඒ නිසා දන්න කියන කෙනකුට කියලා නැකැතක් හදවාගෙන, වෙලාව බලලා නිවෙසක කටයුතු ඇරැඹීම ඉතාමත් හොඳයි. ඊළඟ කාරණය තමයි ග්රහ යුද්ධ පවතින අවස්ථාවල සුබ වැඩ ඇරැඹීමත් සුදුසුම නැහැ. එනිසා එවැනි අවස්ථා ගැනත් අවධානය යොමුකළ යුතුමයි.මේ සියලු කාරණා ගැන සිතා සිය නව නිවෙස ආරම්භය ඉතා බුද්ධිමත්ව කළ යුතු කාර්යයක් බව තේරුම් ගත යුතුයි.
ප්රවීණ ජ්යොතිෂ හා අංග ලක්ෂණ පර්යේෂණවේදී
ජයශ්රී නන්ද කුමාර