ගැහැනු පිරිමි වරදෙ බන්දන ග්‍රහයෝග

වරදට යොමු වීම වරදේ බැඳීම පරපුරුෂ සහ ස්ත්‍රී සේවනය මෙවැනි විවිධ අර්ථ කථනයන්ගෙන් විවිධ නම්වලින් හඳුන්වන ගැහැනු – පිරිමි සබඳතාවන්ට අයථා සබඳකම් ලෙසත් හඳුන්වනවා. ඒ වගේම ඇතැම් විට විවිධ පුරුෂයන් කරන රහස් කම්සැපෙහි බැඳෙන්නි ගණිකාව යන කෙටි නාමයකින් හඳුන්වන්නත් සමාජය පෙළඹී තියෙනවා. වරදේ බැඳෙනවා යන්න කාගෙත් මතකයට නැඟෙන එකම වරදකාරිය ගණිකාවය. එහෙත් බොහෝ දෙනකු තම තමන්ගේ වැරැදි වසා ගන්නට එසේ සිතන්නට පෙළඹුණද අද වෙද්දී සමාජයේ උසස් යැයි සම්මත බොහෝ පවුල්වල සිදුවන බහු ස්ත්‍රි පුරුෂ සේවනය අතිවිශාලය. එසේම සිය සතුට උදෙසා සැමියාට රහසේ වරදේ බැඳෙන කතුන්ද, බිරියට රහසේ වරදේ බැඳෙන පිරිමින්ද මේ ගොඩටම වැටෙති. බොහෝ දුරට මෙවැනි සබඳතා සාමාන්‍ය සිදුවීම් බවට පත්වන තරමටම සමාජය තුළ මේවා ඔඩුදුවා ඇත. කෙසේ වෙතත් මෙවැනි සබඳතා සඳහා පාර කපන ග්‍රහයෝද, ග්‍රහයෝගද ජ්‍යොතිෂයේ හඳුන්වා දී තිබේ. මේ එවැනි ග්‍රහ යෝග කිහිපයකි.

ලග්නාධිපති ග්‍රහයා සහ චන්ද්‍රයා යන දෙදෙනාගෙන් වඩාත් බලවත් ග්‍රහයා ශනිට චතුරස්‍රව හෝ සම සප්තමව හෝ එසේත් නැතිනම් සිංහ රාශි ගතව සිටිනා විටදීත් එසේත් නැතහොත් ඔවුන් පාප ග්‍රහයකු විසින් දුර්වල කළ විට සුබ දෘෂ්ටි නොලද කේන්දර හිමි ස්ත්‍රියටත් පහත් ගති ඇති වෙයි. එවැන්නිය විවාහයට පෙර සිටම බහු පුරුෂ සේවනයට ප්‍රිය කරයි. ඊට යොමුවෙයි. සෑහීමකට පත් නොවන්නීය.

ලග්නාධිපති සහ චන්ද්‍රයා යන දෙදෙනාගෙන් වඩාත් බලවත් ග්‍රහයා ශනිට ත්‍රිශාංශකව මකර හෝ කුම්භ රාශි ගතව යහපත් ග්‍රහයන්ගෙන් බලපෑමක් නොමැතිව සිටින විට පහත් ගති ඇති වෙයි. මෙවැනි ග්‍රහ තත්ත්වයන් කේන්දරයේ පිහිටි ගැහැනුන් මෙන්ම පිරිමින්ද පහසුවෙන් විරුද්ධ ලිංගිකයන්ට නතු වෙයි. දැඩි කාමාධික සිත් ඇත්තන් වෙයි.

කුජට හෝ ශනිට අයත් ලග්නයක් නම් කිසියම් යහපත් බලපෑමකින් තොරව, බලවත් පාප ග්‍රහයකුගේ දෘෂ්ටියට හසුවූ විටකදීත්, චන්ද්‍රයා ශුක්‍ර එම ලග්න ගතව සිටින විටදීත් පහත් ජීවිකාවන්ට පෙළැඹෙයි. එම ග්‍රහ තත්ත්වය සමඟ උපදින දරුවන්ගේ මවුපියන්ගේද එවැනිම ග්‍රහ තත්ත්ව ඇති බවද පර්යේෂණ තුළින් ඔප්පු වී ඇත. එසේම මෙම ග්‍රහ තත්ත්ව ඇති ස්ත්‍රීන් අයථා ලිංගික කටයුතු ඇසුරෙන් මුදල් ඉපැයීමට යොමු වන්නීය.

ලග්නය කුජට හෝ ශනිට අයත් රාශියක් වූ විට බලවත් පාපියකු විසින් දුර්වල කළ චන්ද්‍රයා හා ශුක්‍ර කිසියම් සුබ බලපෑමක් නොමැතිව ලග්නයෙන් 7 වැන්නේ පිහිටි කාන්තාවන්ද බහුපුරුෂ සේවනයට යොමුවන්නීය. ඇතැම් විට ඇයද එවැනි සබඳතා ඇසුරෙන් මුදල් ඉපයීමට හෝ තම අවශ්‍යතා සපුරා ගැනීම උදෙසා එවැනි සබඳතාවලට යොමුවන බවද හඳුනාගෙන තිබේ.
චන්ද්‍රයා හා ශුක්‍ර 6 වැන්නේ සිටියදීද, පාප ග්‍රහයකු දුර්වලත්වයට පත්කරනු ලැබූ යහපත් ග්‍රහ සංයෝගයකින් හෝ දෘෂ්ටියකින් තොරවූ විටද එම කේන්දර හිමිකාරිය අයථා සබඳතාවලට යොමු වන්නීය. ඇය විවාහයෙන් පසු බාල වයස් පිරිමින්ට බැඳෙන බවද පැවසෙයි.

ලග්නාධිපති හෝ චන්ද්‍රයාගෙන් වඩාත් බලවත් ග්‍රහයා කුජට හිමි රාශියක නම් හා පාප ග්‍රහයකු දුර්වලත්වයට පත්කළ කුජ යහපත් ග්‍රහයකුගේ දෘෂ්ටිය හෝ සංයෝගය නොලද විටද එම කේන්දර හිමි තැනැත්තා හෝ තැනැත්තිය අයථා සබඳතා කෙරේ නැඹුරු වෙයි. මේ අය නිතරම විවාහක කාන්තාවන්ට පිරිමින්ට ආශා කරයි. තරුණ වයසේ සිටම කිහිපදෙනකු ඇසුරට යොමුවනු ඇත.

දුර්වල නොවූ ලග්නාධිපතියකු හෝ චන්ද්‍රයකු සිටි ස්ත්‍රියක් විවාහයට පෙර සිටම කාම සේවනයට පෙළඹෙනු ඇත. ඇයට පිරිමින්ගේ ඇසුර විනෝදාංශයයි. නිතරම නන්නාඳුනන පිරිමින් කෙරේ යොමු වීමට සිතයි. සෑහීමකට පත්නොවන්නීය.

රවි, කුජ, ශනි යහපත් ග්‍රහ සංයෝගයකින් තොරව ලග්නයෙන් 7 වැන්නේ සිටින විට එම ස්ත්‍රිය අයථා සබඳතා කෙරේ යොමුවෙයි. තරුණ කාලයේදීත් විවාහයෙන් පසුවත් විවිධ පුරුෂයන් ඇසුරට ප්‍රිය වෙයි. විවාහ නොවී එලෙස පුරුෂයන් ඇසුරේ සිටිමින් නඩත්තු වන්නටද මේ අය පෙළඹෙති.

චන්ද්‍රයාගෙන් 7 වැන්නේ, රවි, කුජ, ශනි සංයෝගව සිටින යහපත් බලපෑමක් නොමැති නම් ඇතිවන්නේද නුසුදුසු හැසිරීම්ය. ඇය සහකරුව රවටා නිතර නිතර වෙනත් පිරිමින්ගේ ඇසුරට යොමු වීමට උත්සාහ කරයි. අයථා අයුරින් මුදල් ඉපයීමත්, විවිධ වස්තුව තමා සතුකර ගැනීම උදෙසා පුරුෂ සේවනයටත් මේ අය පසුබට නොවන්නීය.
ජ්‍යොතිෂවේදී ජයශ්‍රී නන්දකුමාර