මේ තත්ත්වය කළින් හඳුනාගෙන ආරක්ෂා වීමට කටයුතු කළ හැක
ඕනෑම දෙයක් සම්බන්ධයෙන් බොහෝ කාලයකට පෙර යමක් පවසන්නේ නම් ඒ ජ්යොතිෂයෙන් පමණකි. එහිදී කෙනකුගේ රෝගාබාධ සම්බන්ධයෙන්ද කලින්ම යමක් පැවැසිය හැක්කේ සහ ඉදිරියේදී වැලඳිය හැකි රෝගාබාධ ගැන පූර්ව අවබෝධයක් ලබාගත හැක්කේද ජ්යොතිෂයෙන් පමණක්ම වන අතර, මේ කාලයට මේ මේ අසනීප කරදරවලට මුහුණ පෑමට සිදුවනවාය යන්න විස්තරාත්මකව හඳුනා ගන්නටද ජ්යොතිෂයට හැකියාව ඇත. ඒ අනුව වර්තමානයේ ඉතා බහුලව දක්නට ලැබෙන රෝගාබාධයක් වන හදවත් රෝග ගැන වුවද කේන්දරය ඇසුරින් ඉතා පැහැදිලිව හඳුනාගත හැකිය. මෙහිදී වඩාත් වැදගත් වන්නේ එම කරුණු කලින් හඳුනාගැනීම හරහා ඊට සුදුසු ප්රතිකර්ම කරගැනීමට ලැබීමයි. එයින් රෝගය උස්සන්න වී අසාධ්ය වීමකින් තොරව සුවකර ගැනීමටද හැකි වෙනවා.
හෘදය සම්බන්ධ රෝග පිළිබඳ දැනගැනීමට ක්රම බොහොමයක් ජ්යොතිෂයේ තිබෙනවා. එහිදී හෘදය සම්බන්ධයෙන් අනාවරණය කරගත හැකි භාවයන් ලෙස ලග්න භාවය, 4, 6, 8, 11, 12 යන භාවයන්ද වැදගත් වෙනවා. ඊළඟ කාරණය තමයි හෘදයාබාධ ගැන පැහැදිලි කිරීමේදී කේන්දරයේ ඇති ග්රහ පිහිටීම්වලින් කටක රාශිය හදවත හා ආමාශ ප්රදේශය පාලනය කරනවා. මෙම රාශිය පීඩාවට පත්වීමෙන් ජන්මියාගේ සිරුරෙහි පපුවේ කැක්කුම, උදරයේ වාතය පිරීමෙන් සිදුවන අපහසුතා, හදවත් රෝග ආදියට පහසුවෙන් ලක්වීමේ හැකියාව පවතිනවා. එසේම මකර හෝ කටක යන රාශි දෙකෙන් කුමන හෝ රාශියක රවි ග්රහයා බලවත් සේ පීඩාවට පත්ව තැන්පත් වීමෙන් හෘදයාබාධ සඳහා වැඩි අවදානමක් ඇති වෙනවා. එවැනි ජන්ම පත්රයක් හිමියකුගේ ප්රධාන වගකීම බොහෝ පූර්ව ආරක්ෂක ප්රතිකර්ම පිළිවෙත් සහ ප්රතිකාර පිළිපැදීම තුළින් තමන්ට ඇති විය හැකි බාධා තත්ත්වය මඟහරවා ගැනීමට කටයුතු කිරීමයි. ඊළඟ කාරණය තමයි රවි ග්රහයා පීඩාවට පත්වූ පමණින්ම හෘදයාබාධ ඇති නොවන අතර, එය මේ සඳහා ආසන්නම සාධකය වෙද්දී ඊට තවත් බොහෝමයක් ග්රහ පිහිටීම් බලපානු ලබනවා.
එවැනි ග්රහ තත්ත්වයන් තමයි කේන්දරයක රවි ග්රහයා පීඩිතව සිටිමින් 6, 8 අධිපතීන්ගේ සම්බන්ධතාවය ඇතිව සිටීම හා 4, 5 යන ස්ථානවල අධිපතීන් පාප පීඩිත වීම. ඒ වගේම හෘදය ආශ්රිතව බලපෑම් ඇති කරන ප්රධාන ග්රහයන් වන්නේ රවි, සඳු හා ගුරුයි. එම ග්රහයන් පාප පීඩිත වීම ඉහත රෝග තත්ත්වයනට ප්රධාන සාධකයක් සේ සලකන්න පුළුවන්.
හෘදයාබාධයක් ඇති විය හැකි කාලසීමා ලෙස සඳහන් කරද්දී මහා දශා සහ අතුරු දශා ගැන අවධානය යොමු කරන්න සිද්ධ වෙනවා. ඉහත දැක්වූ ග්රහයන් පීඩාවට පත්වීම තුළ 6, 8 අධිපතීන්ගේ මහා දශා, අතුරු දශා කාල සීමාවන් හෝ රවිගෙන් නැතහොත් කේන්දරයේ 4 වැන්න අධිපතියාගෙන් 2 වැන්නේ හෝ 12 වැන්නේ තැන්පත් ග්රහයා හෝ රවිගෙන් හෝ 4 වැන්න අධිපතියාගෙන් 2, 12 අධිපති ග්රහයන්ගේ මහා දශා, අතුරු දශා කාලවලදී හෘදයාබාධ සඳහා වැඩි ඉඩකඩක් පවතිනවා.
ඒ වගේම 22 වැනි දෙර්කාණාධිපති හෝ 64 වැනි නවාංශකාධිපති ග්රහයන්ගේ බලපෑමත්, හෘදයාබාධ සඳහා හේතු වෙන්න පුළුවන්. එම ග්රහයන් කේන්දරයක අසුබම ග්රහයන් ලෙසයි ක්රියා කරන්නේ. එම නිසා මේ අයගේ බලපෑමත් එල්ලවීමට ඉඩකඩ තිබෙනවා.
ඊළඟ කාරණය තමයි හෘදයාබාධ සඳහා හේතු වන කේන්දරයේ ග්රහ බලපෑම් සමනය කළ හැකිද යන කාරණය. ඇත්තෙන්ම එය කළහැකි දෙයක්. ඒ සඳහා දුර අතීතයේ සිට විවිධ සෙත් ශාන්ති, ශාන්තිකර්ම ආදිය යොදාගෙන තිබෙනවා. ඒ වගේම නිසියාකාරව කේන්දර පරීක්ෂා කර අදාළ තත්ත්වය ඉතා හොඳින් හඳුනාගෙන ඊට අවශ්ය සෙත් ශාන්ති මොනවාද යන්න වටහාගෙන ඒවා කරන අතර, අවශ්ය වෛi උපදෙස් අනුව කටයුතු කළ හැකි නම් හෘදයාබාධ කියන්නේ ඉතා පහසුවෙන් මඟහරවා ගතහැකි දෙයක්.
මෙය එක් එක් අයගේ ජන්ම පත්රවල ග්රහ පිහිටීම් අනුව වෙනස් වුවද පොදුවේ ගත්කල සෑම කෙනකුටම ග්රහ අපල තත්ත්වයන් දුරුකර ගන්නට බෝධි පූජා, බුද්ධ පූජා, සෙත්කවි ගායනා, නවග්රහ ගුණ යන්ත්ර පැලඳීම්, දේව පූජා ආදිය ඉටුකර ආරක්ෂාව සහ ආශීර්වාදය ලබාගන්න පුළුවන්.
මේ අනුව පැහැදිලි කරගත යුත්තේ හෘදයාබාධ ගැන අනවශ්ය බියක් ඇති කරගත යුතු නැති බවයි. ඒ සඳහා තම ජන්ම පත්රය සිය පවුලේ ජ්යොතිෂවේදියාට ලබාදී පරීක්ෂා කරවාගෙන ඊට අවශ්ය වත්පිළිවෙත්වල යෙදීමයි.
ජ්යොතිෂවේදී සත්යජිත් සම්පත්
