නිවාස සැලසුම් කිරීමේදී වාස්තු විද්යානුකූලව තිබීම අනිවාර්ය වේ.එසේ නොවුණහොත් අප නොදැනුවත්ව විවිධ කායික හා මානසිකමය ගැටලුවලට මුහුණ පෑමට සිදුවේ. විශේෂයෙන්ම ගෙහිමියාගේ නිදන කාමරය නිරිත දිග දිශාවේ වීම වැදගත්. කුස්සිය ගිනිකොන හෝ වයඹ වීම මැනවි. නාන කාමර වයඹ හෝ නිරිත විය යුතුයි. වැසිකිළියේ කොමෝඩ් එක පෝච්චිය සවිකිරීමට සුදුසු වන්නේ දකුණු දිසාව තුළය. නැගෙනහිර උතුර හා ඊසාන දිශාවන්ට සවි නොකරන්න.නිවෙසේ බැල්කනිය (සඳලුතලය) උතුර හා නැගෙනහිරින්ය. උඩුමහලට නගින පඩිපෙළ නිරත දිගින් පටන් ගැනීම සුදුසුයි.
පඩි 7,9,11 වැනි ඔත්තේ වීම යෝග්ය වේ යැයි උතුරු දිශාවට හිස දමා නිදාගැනීම ඉතා අහිතකරයි. ශාරීරික දුබලතා හටගනී. ශරීරයේ ජල පරිමාව සිඳී ගොස් සිරුර අකර්මණ්ය වේ.
ආගමික කටයුතුවලට ඊසාන යොදාගැනීම ඉතා සුබයි. නිදන කාමරයේ ආගමික වතාවත් කරන තැන පාද යොමා නිදාගැනීම අහිතකරයි.
ඇනෙක්ස් හෙවත් පිටතින් යාකරන කොටස් කිසි විටෙක උතුර නැගෙනහිරින් යෙදීම අසුබයි. කැඩපත, කණ්ණාඩි මේසය උතුර හා නැගෙනහිරට යෝග්ය වේ. ආහාර ගබඩා කිරීම වයඹ දිසාවේ විය යුතුයි. රෙදි සෝදන මැෂිම උතුර නැගෙනහිර ඊසානයේ තැබීම යෝග්ය වේ.
ප්රධාන දොරටුව සුබ වීම අනිවාර්ය වේ. ප්රධාන දොරට ඍජුවම කණුවක් තිබීම අසුබයි. ඒ අසල මිදුලේ විශාල ගසක් තිබීමද අයෝග්ය වේ. ප්රධාන දොරට එල්ල වන සේ හරි මැදින් බරාඳයේ පෝච් එකේ මුදුන් යටලීය තිබීම විශාල වාස්තු දෝෂයකි.
ප්රධාන දොර උස අඩි 7, පළල 3-5 වීම යහපත්ය. (1:3) වී අසුබයි.
නිවෙසේ දොරටු ඉරට්ටේ විය යුතුය. 8,12,14,10,20 වීම අසුබයි. අගට 0 වීම සුබ නැත.
ප්රධාන දොරටුව මල්කම් ලියකම්වලින් කලාත්මක වීම සුබයි. එකම ලී වර්ගයක් විය යුතුමය. පැරැණි නිවෙසකින් ගලවා ගත් දොරක් තිබීම අසුබයි. භද්රා රටාවල් තැබීම සුබදායක නොවේ. නිවෙසේ බිත්තියේ කෙළවරේ සිට අඟල් 32ක් අත්හැර ප්රධාන දොරටුව තැබීම සුබදායක වේ. ප්රධාන දොරටුවට හරි කෙළින් ඍජුවම ඉදිකඩුල්ල, ගේට්ටුව තැබීම අසුබයි. ප්රධාන දොරටුව බිත්තියේ එක් පැත්තක බිතු කැටයමක් මියුරල්) කලාත්මක නිර්මාණයක් කිරීම ඉතා සුබදායක වේ. නිවෙසක කුස්සිය හැර ගෙබිම එකට එකක් වෙනස් අයුරින් තැබීම යෝග්ය නොවේ.
සෞභාග්යය අයත් වන්නේ නිවෙස පුරාම බිම් තලය එක හා සමානව තිබීමය.
නිරිත, ඊසාන, නැගෙනහිර පැතිවල කාමර තුළ බිම එකිනෙකට වෙනස්ව තිබීම ඉතා අසුබයි.
තවද නිවෙස ඇතුළත වාස්තු විද්යානුකූලව සකසා ගැනීම අනිවාර්ය වේ. තමන්ට සිතෙන සිතෙන අන්දමට කාමර ගෙන අනවශ්ය වාස්තු දෝෂ හටගන්නා පරිදි නිවෙස ඇතුළත නිර්මාණය කිරීමෙන් කල් ගතවන විට විවිධ කායික මානසික පීඩනයන්ට ගොදුරු වේ. විවිධ පළාත්වල අතිවිශාල නිවාස රැසක්ම වාස්තු විද්යා පර්යේෂණයකට ලක්කිරීමේදී වාස්තුමය දෝෂවලින් පිරී තිබෙන බැව් අප දැක ඇත්තෙමු.
බරපතළ ලෙස නිවෙසේ මධ්ය ලක්ෂ්යය අවහිර වීම නිසාද එකී නිවාස පිරිහී ගිය අයුරු අප අත්දැක ඇත්තෙමු. මහල් මහා මන්දිරවලට බිම් තලයන්හි වාස්තු දෝෂ තිබීම නිසා උඩුමහල්වලටද බලපෑම් ඇති වේ.
ඔබ මේ කිසිවක් ගැන ගණන් නොගැනීමෙන් විශ්වාස නොකිරීමෙන් බලා සිටියදීම නිවෙසේ පිරිහීම එන්න එන්නම සිදුවේ. ඒ ගැන ඔබේ අවධානය යොමුකර වාස්තු දෝෂ වහාම නිවැරැදි කරගන්න.
ප්රවීණ ජ්යොතිෂවේදී දේශබන්දු ටී.හෙන්රි බෙම්මුල්ල