කේතුගෙන් අපලද

උඩුකයේ මිනිස් රූපයකි. ගාත්‍රා කොටස නාග දරණයකි. නෙලුම් මලක් මත වාඩි වී පොතක් කියවමින් කේතු ග්‍රහයා වාසය කරයි. කේතුට ඇවිදීමට නොහැකිය. ඒ කකුල්වල තුවාල තිබෙන නිසාය. පොත් කියවමින් නුවණ දියුණු කර ගැනීමට උත්සාහ කරයි. එහෙත් තම ජීවිතය පිළිබඳ කලකිරීමක් ඇත්තෙකු සේ ගතකරයි. කේතු මිශ්‍ර ඵල ලබාදෙන ග්‍රහයෙකි.

යම්කිසි ජන්මියෙකුට කේතු ලැබූ විට ඔහුගේ ගතිගුණ ජන්මියන්ට ආරූඪ වේ. කේතු දශාවේ ජන්මියාගේ ලේ දෘශ්‍ය වන අතර, උණ රෝග, හොරි, දද, කුෂ්ඨ, තුවාල නිතර නිතර ඇති කරවන බව අසා ඇත. කොටින්ම කියතොත් බඩේ තිබෙන වියළි බව හේතු කොට ගෙන. කේතු ඇත්ත වශයෙන්ම දුර්වල අයෙකි. ඇස්වහ – කටවහ, සතුරු උවදුරු වැඩි වශයෙන් ඇති කරන්නේ කේතුය.

ලේ දෘශ්‍ය වීමෙන් නිතර ලෙඩ රෝග, භූත දෝෂ ඇති කරයි. ධන හානි, තනතුරුවලින් පහත වැටීම නිසා පරිහානියෙකු බවට ජන්මියා පත්කරයි. වෙන ග්‍රහයන් සංකේත කිරීමට තරු ග්‍රහ වස්තුහි තිබුණත් කේතු සංකේත කිරීමට කිසියම් ග්‍රහයෙක් නොමැති වීම කැපී පෙනෙන ලක්‍ෂණයකි. රාහු – කේතු චින්තන මාතා ග්‍රහයන් දෙදෙනෙකු පමණකි. යම්කිසි බලවේග වශයෙන් හැඳින්වුවද වරදක් නැත.

කේතු සුබ වූ කල්හි සුබඵල උදාකරයි. දූදරුවන් පමණක් නොව වස්තුව ලැබෙන්නේ ඒ නිසාවෙනි. ඉගෙනීම දියුණුවේ. ආගමට භක්තියට ඇති ඇල්ම බැල්ම වැඩි වෙයි. සමහර විටෙක ජන්මියා අධික භක්තිමතුන් වෙයි. එහෙත් අන්ධ භක්තියෙන් යුතු අය ද සිටී.

කේතු අපල වළක්වා ගැනීම සඳහා පුද – පූජා කරන අවස්ථාවේදි රතුමල්, නිල්මල්, පුවක් මල්, කෙසෙල්මුව මල්, පස්තෙල්, මිශ්‍ර තෙල් පහන්ද තද නිල් පැහැති කොඩි, රතු පාට කොඩි පූජා කිරීමද අපලයට මහඟු කාර්යයකි. උදෑසන කාලයේදී උඳු, තල මිශ්‍ර කිරිබත්, කෙසෙල්, මී කිරි, මී පැණි, කැවිලි පූජා කිරීම අගිල් මිශ්‍ර සුවඳ දුම පූජාව ඉක්මන් සුබපල උදාකර ගැනීමට මෙන්ම රාහු අපලය නැති කර ගැනීමට මගකි.

එසේම නැත්නම් වයඹ දිශාව බලා පූජා පැවැත්වීම, දෙවියන්ට පින්දීම, පිහිට පැතීම, ධජග්ග සූත්‍රය, බන්ධ පරිත්ත යන්ත්‍ර පැලඳ ගැනීම ආරක්‍ෂාව සඳහා යෝග්‍ය වෙයි. පොල් ගෙඩි පිරිත් කර දින හතක් පොල් ගැසීමද ගුණදායකය.

මහ දශාව සමඟ අතුරු දශාව විදශාව හා ඒරාෂ්ටක අපල යෙදී ඇති විටකදී මහා දශා අධිපති ග්‍රහයා නමින්ද කළ යුතු පිළිවෙළක් ඇත. ඒවායේද යෙදීම ගුණදායක බැව් කිව යුතුය. එවිට කේතු අපල සඵල කරගත හැකිය.
ජ්‍යොතිෂවේදී හේමපාල පතිරණ