යුක්රේනයේ ඉන්දියානු තානාපති හාර්ස් කුමාර් ජේන් සඳුදා කිලෝග්රෑම් 7,725ක මානුෂීය ආධාර යුක්රේනයේ නියෝජ්ය සෞඛ්ය ඇමැතිවරයාට භාරදුන්නේය.
එම මානුෂීය ආධාර තොගයේ බොහෙත් ද්රව්ය අඩංගු විය. ඉන්දියාව යුක්රේනයට පළමු ආධාර තොගය යැව්වේ මාර්තුමාසයේය. යුක්රේන යුද්ධය පටන්ගත් කාලයේම ඉන්දියාව සටන් විරාමයක් ඇති කරන ලෙස හඬ නැගුවේය. ඉන්දියාව, යුක්රේනයටත්, රුසියාවටත් රාජ්යතාන්ත්රික සාකච්ඡාවලට අවතීර්ණ වන ලෙස ඉල්ලීම් කළේය. එවැනි සාකච්ඡා සඳහා ඉන්දියාව උපරිම සහාය දෙන බවද ඉන්දියාව සඳහන් කළේය. එමෙන්ම ඉන්දියාව අවධාරණය කරන්නේ යුක්රේන යුද්ධය යුරෝපයට පමණක් නොව, තුන්වැනි ලොව රටවල ආහාර, පොහොර සහ ඉන්ධනවල බලපෑම් කර ඇති බවය.
එක්සත් ජාතීන්ගේ ආරක්ෂක මණ්ඩලයේ ඉන්දීය නියෝජිතවරිය රුචිලා කම්බොජ් පවසා සිටියේ ඉන්දියාව යුක්රේන යුද්ධයෙන් වන ආර්ථික හානි අවම කරන්න සහාය දෙන බවය. ඇය පැවැසුවේ ආරක්ෂක මණ්ඩලයේ අවසන් සාකච්ඡාවට පසු යුක්රේන යුද්ධයේ ප්රගතියක් අත්කරගෙන නැති බවය.
