ඉන්දියාවෙ ගොවියන්ට පෝර මල්ලක් අපේ රටේ මාර පොල්ලක්!

ඉන්දියාවේ මෝසම්සමය ආරම්භ වීමත් සමගම අස්වැන්න නෙලිමේ කටයුතු ද පටන්ගෙන තිබේ.

මොන්සූන් සමය ජූනි පළමු වැනි ආරම්භ වුවද කේරළ ප්‍රාන්තයේ ඊට දින තුනකට පෙර අස්වැන්න නෙලීම පටන් ගෙන ඇතැයි ඉන්දීය කාලගුණ දෙපාර්තමේන්තුව කියයි.

මොනවා කීව ද ගොවිතැන් කටයුතු සඳහා ඉන්දියාවත් පිටරටින් පොහොර ලැබෙනතුරු බලා සිටියි.රටට අවශ්‍ය පොහොර ප්‍රමාණයෙන් හතරෙන් එකක් ම ආනයනය කරයි.සියයට සියයක්ම(100%)පොටෑෂ් සහ පොස්පේට් විදේශ ආනයන වේ.

කොවිඩ් වසංගතය ජාත්‍යන්තර වෙළෙඳපොළෙ පොහොර මිල වැඩිවීමට ප්‍රධාන හේතුවක් වූ අතර රුසියාව සහ යුක්රේනය අතර යුද්ධය ඒ මිල අසීමිතව වැඩි වීමටද තදින්ම බල පෑවේය.ගෑස් සහ අමුද්‍රව්‍ය මිල උස්සන්නවීම මීට ප්‍රධාන හේතුව විය.

ගුජරාටි ප්‍රාන්තයේ පසුගිය සෙනසුරාදා පැවති උත්සවයක දී අගමැති නරේන්ද්‍රමෝධි අනාවරණය කෙළේ ආනයනය කෙරෙන යූරියා මල්ලක(බෑග්)වැය බර රුපියල් 3,500.00ක් වුවත් එහි වැඩි බර රජය කරට ගෙන ගොවියාට රුපියල් 300.00ක් වැනි සහනශීලී මිලකට සපයන බවය.

ජාත්‍යන්තර වෙළෙඳ පොළෙන් වැඩි මිලකට ගැනෙන කිලෝ ග්‍රෑම් 50 මල්ලක් ගොවියාට සහනශීලී මිලකට දීමෙන් එක මල්ලකට රුපියල් 2,500.00 බැගින් රජය බර දරන බවද හෙතෙම අනාවරණය කෙළේය.

මේ අන්දමින් ගොවියාට සහන පොහොර සැපයීමට පසුගිය වසරේ රුපියල් කෝටි එක්දහස් හය සියයක් 1600,00,00,000 රජය වැය කළ බවය.මේ අනුව ගොවියාට කිසිම අන්දමක ගැටළුවක් ඇති නොවන්නට කටයුතු කරන බව ද අගමැති මෝධි කියයි.මේ වසරේ ගොවියාට සහන පොහොර සැපයීමට වෙන්කර ඇති මුදල රුපියල් කෝටි දෙදහසකි.(2000,00,00,000)මේ සියලු බර ඉන්දියාව කරට ගෙන ඇත්තේ ගොවියා සතුටු කිරීමට බවද අගමැති මෝධි කීවේය.

චන්ද්‍රසේන මාරසිංහ