රෝහල් කාර්යය මණ්ඩලයට රෝහල වෙතට පැමිණීමට නොහැකිවීම හේතුවෙන් සියඹලාණ්ඩුව මූලික රෝහලේ දෛනික කටයුතු පවත්වාගෙන යාමට නොහැකිව එම රෝහල වසා දැමු බව වාර්තා වෙනවා.
ඒ කාර්යය මණ්ඩලයට රැකියාව සඳහා පැමිණීමට අවශ්ය ඉන්ධන නොමැතිවීම හේතුවෙන්.
අත්යාවශ්ය සේවාවක් ලෙස නම් කරමින් සෞඛ්ය සේවයේ රෝහල් කාර්යය මණ්ඩල වෙත ඉන්ධන පිරවුම්හල් වලින් ඉන්ධන ලබා ගැනීමට ප්රමුඛතාවය ලබා දී ඇතත් ඒ සඳහා කිසිදු ක්රමවේදයක් නොමැතිවීම හේතුවෙන් වෛද්යවරුන් ප්රමුඛ කාර්යය මණ්ඩලයට සේවයට වාර්තා කිරීමට නොහැකි බවයි කියන්නේ.
රෝහලේ ළමා රෝග වෛද්යවරයා ඉන්ධන ලබාගන්න පැය 17ක් පෝලිමේ සිටි බව පැවසෙනවා.
“වෛද්යවරුන් ගෙන්නගන්න විදිහක් නෑ. ඇතැම් වෛද්යවරුන් සේවයට එන්නේ බස්එකේ. සමහරුන්ට එන්න තෙල් හොයලා යවන්න සිද්ධ වෙලා. අපේ රෝහලේ කාර්ය මණ්ඩලයෙන් 75%කට වඩා වැඩි පිරිසකට සේවයට වාර්තා කරන්න එන්න බැරිවෙලා. ඒ ඒ අයට අවශ්ය ඉන්ධන නැතිවීම.නිල ඇඳුමෙන් සහ අනන්යතාවය තහවුරු කරලා ඉන්ධන ලබා ගැනීමට ගියත් ද ඉන්ධන පිරහුම්හල් අසල සිටින ජනතාවගෙන් ඒ සඳහා ප්රමුඛතාවයක් හෝ අවස්ථාවක් ලබා දෙන්නේ නෑ. සිකුරාදාට සෞඛ්ය සේවයට තෙල් දෙන දවස කියලා කිව්වට ෂෙඩ්වල තෙල් තිබ්බේ නැහැ. අද සඳුදා. තාමත් මේ අවට ෂෙඩ්වල තෙල් නැහැ. වෙන කරන්න දෙයක් නැහැ. අපිට උනේ රෝහල වාහන එක”යි මේ පිළිබඳව විමසීමේ දී රෝහල් පරිපාලන බලධාරියෙක් පවසා සිටියා.
