තම රටේ කොවිඩ් වෛරසය සම්පූර්ණයෙන්ම මිනීපෙට්ටියක දමා ඇණ ගැසූ බවට චීනය ලොවට පුරාජේරු කතා කීවද දැන් යළිදු හිස ඔසවා දරුණු අන්දමින් පැතිරෙන්නට පටන් ගෙන තිබේ.පළාත් සම්පූර්ණයෙන්ම අගුළු ලා තිබේ.මහජනයා උග්ර සාගතයකට මුහුණපා සිටිති.
පසුගිය සතිය වන විට කර්මාන්ත ශාලාවල නිෂ්පාදන සම්පූර්ණයෙන්ම පාහේ කඩා වැටී තිබේ.
යටිතල පහසුකම් සැපයීමේ ආයෝජන සියල්ලම පාහේ පණ අදිමින් ඉදිරියට ඇදෙන බව චීන සංඛ්යලේකන පිළිබඳ කාර්යාංශය කියයි.
චීන ප්රතිපත්ති පර්යේෂණ කණ්ඩායම වාර්තා කර ඇති අන්දමට කොවිඩ් වසංගතය නිසා රැකියා අහිමිවූ සංඛ්යාව ද විශාල වශයෙන් වැඩිවී තිබේ.
ඒ කණ්ඩායම සිය නිර්දේශයකින් අනාවරණය කර ඇත්තේ දැනට දෙ වසරකට පෙර කොවිඩ් වෛරසය පැතිරීම ආරම්භවූ දා සිට පළමුවතාවට සැපයුම් ජාලය මෙවර බින්ඳුවටම හින්ඳවී ඇති බවයි.
බියකරු වෛරසය පැතිරීමේ තත්ත්වය යටතේ බිඳ වැටී ඇති ආර්ථිකය සම්බන්ධයෙන් අගමැති ලී කෙක්ක්යුයෑං හදිසි අවස්ථාවක් ප්රකාශකර ප්රවර්ධන කටයුතු ඉලක්ක කරමින් නව කඩිනම් ක්ෂුද්ර ප්රතිපත්ති සකස්කරන ලෙසටද උපදෙස් දී ඇත්තේය.
චීන මධ්යම කාරක සභාවේ සාමාජිකයකු මෙන්ම දේශපාලන කාර්යාංශයේ සාමාජිකයකු ද වන අගමැතිවරයා, යුනාන් ප්රාන්තයේ පසු ගිය සතියේ පැවැති සමුළුවක දී පවසා ඇත්තේ සෑම අංශයකින්ම පසු බා ඇති සංවර්ධනය යළි දු උත්ථානය කිරීම සඳහා කඩිනම් ව්යාපෘතියක් ක්රියාත්මක කළ යුතු බවය.
චන්ද්රසේන මාරසිංහ
