චීනය නිදාගෙන සිටින කොටි අවදි කර ගැනීමේ මානසික ව්යාධියකින් පෙළෙන බව දේශපාලන නිරීක්ෂකයෝ කියති.
මේවනවිට චීනාට ඒ ව්යාධිය උග්රවී තිබේලු.
ඒ ලෝකයේ බලවතුන් යැයි සම්මත රටවල් කුපිත කරවා ගැනීමටය.
ගත වූ සතියේ දී චීනා ඇමරිකාව සහ ජපානය “වලියකට” පටලවා ගැනීමට උත්සාහ දරා තිබේ.
චීන“මහජන විමුක්ති හමුදාවේ නාවික හමුදාව” කීප වරක්ම හිතාමතාම පිලිපීන මුහුදු සීමාවට කඩා වැදී “යුධ ශිල්ප”දැක්වූ බව දේශීය ප්රවෘත්ත්ති සේවයක් නිවේදනය කර ඇත.
එ සේම විවිධ වර්ගයේ ප්රහාරක ගුවන් යානා ගණනාවක් ද ප්රහාරක මුහුදු යාත්රා ගණනාවක් ද චීනය ආසන්නය්ම පිහිට තායිවානය අවට “කරක්ගසා”ඇති බව ද මාධ්ය කියයි.
චීන මහජන විමුක්ති හමුදාවේ නාවික හමුදාවට අයත් ප්රහාරක මුහුදු යාත්රා කීපයක් තායිවානය අවට අනවසරෙන් හැසිරෙද්දී මහා පරිමාණයේ ප්රහාරක ගුවන්යානා ප්රවාහනය කෙරෙන 055 වර්ගයට අයත් ප්රහාරක මුහුදු යාත්රාවක් උතුරු චීන සාගරයේ සිට මියාකෝ සමුද්ර සන්ධිය ඔස්සේ පැසිෆික් සාගරයට ගොස් තිබේ.පසුගිය මැයි දෙවැනිදා(2)සිට පුරාසතියක්ම දිනපතාම සේ ගොස් ඇතැයි මාධ්ය වැඩිදුරට ද සඳහන් කර ඇත.
චීනයේ වැඩකටයුතු රහසිගතව විමර්ෂණය කරන ඇමරිකානු යුධ නිරීක්ෂකයන් වාර්තා කර ඇත්තේ ඉතා ළඟදීම චීනය තායිවානයට පහර දෙන බවයි.
ඒ නිරීක්ෂණ වාර්තාවේ තොරතුරු “හොංකොං”පුවත්පතේ උපුටා දක්වා තිබේ.
එ සේ වන විට ඇතිවන ආක්රමණශීලී යුධවාතාවරණයෙන් තායිවානය ආරක්ෂා කිරීම සඳහා ඇති උපරිම ආරක්ෂක මාධ්යය ගුවන් ප්රහාරක ශීල්පීය ක්රමෝපායන් පමණක් බව ඇමරිකානු යුධ නිරීක්ෂකයින් සිය වාර්තාවේ නිර්දේශ වශයෙන් ඉදිරිපත් කර තිබේ.
චන්ද්රසේන මාරසිංහ
